ຂໍ້ຕົກລົງ ວ່າດ້ວຍ ການນຳເຂົ້າເພື່ອສົ່ງອອກຕໍ່ ແລະ ການສົ່ງອອກຊົ່ວຄາວສິນຄ້າຄຸ້ມຄອງ, ເລກທີ 1237/ອຄ.ກຂອ, ໄດ້ກຳນົດລາຍລະອຽດກ່ຽວກັບເງື່ອນໄຂຂອງການນຳເຂົ້າ ເພື່ອສົ່ງອອກຕໍ່ ແລະ ການສົ່ງອອກຊົ່ວຄາວສິນຄ້າຄຸ້ມຄອງ ຂອງ ສປປ ລາວ, ຜູ້ເນີນການນຳເຂົ້າເພື່ອສົ່ງອອກຕໍ່ ແລະ ການສົ່ງອອກຊົ່ວຄາວສິນຄ້າຄຸ້ມຄອງ, ການປະກອບເອກະສານ, ຂັ້ນຕອນຂອງການຍື່ນຄຳຮ້ອງ ແລະ ພິຈາລະນາເອກະສານຂອງເຈົ້າໜ້າທີ່ອອກອະນຸຍາດ. ໂດຍໄດ້ກຳນົດໃຫ້ມີເອກະສານເພື່ອຂໍອະນຸຍາດປະກອບຄື:
- ໃບຄຳຮ້ອງຂໍອະນຸຍາດນຳເຂົ້າເພື່ອສົ່ງອອກຕໍ່ ຫຼື ສົ່ງອອກຊົ່ວຄາວສິນຄ້າຄຸ້ມຄອງ;
- ສັນຍາຊື້-ຂາຍສິນຄ້າ ລະຫວ່າງ ຜູ່ຂາຍສິນຄ້າຢູ່ປະເທດຕົ້ນທາງ ຫຼື ຜູ່ຊື້ສິນຄ້າຢູ່ປະເທດປາຍທາງ ແລະ ຫົວໜ່ວຍທຸລະກິດທີ່ຂື້ນທະບຽນວິສາຫະກິດຢູ່ ສປປ ລາວ;
- ໃບທະບຽນວິສາຫະກິດ ທີ່ຂຶ້ນທະບຽນວິສາຫະກິດ ຕາມທີ່ໄດ້ກຳນົດ;
- ໃບຢັ້ງຢືນການມອບພັນທະອາກອນປະຈຳປີ ຫຼື ເອກະສານອື່ນທີ່ຢັ້ງຢືນການມອບພັນທະອາກອນປະຈຳປີ;
- ໃບແຈ້ງລາຄາ ແລະ ໃບຫຸ້ມຫໍ່ (ເຊັນໂດຍຜູ່ຂາຍ);
- ສັນຍາ ກ່ຽວກັບການນຳເຂົ້າສິນຄ້າເພື່ອສົ່ງອອກຕໍ່ ໄປ ປະເທດທີສາມ ກັບກົມພາສີ, ກະຊວງການເງິນ.
ນອກຈາກນີ້, ພາຍໃນຂໍ້ຕົກລົງກໍໄດ້ກຳນົດລະອຽດວັນເວລາໃນການພິຈາລະນາຄໍາຮ້ອງ ແລະ ອາຍຸການນໍາໃຊ້ຂອງໃບອະນຸຍາດນຳເຂົ້າເພື່ອສົ່ງອອກຕໍ່ ແລະ ສົ່ງອອກຊົ່ວຄາວສິນຄ້າຄຸ້ມຄອງ ໂດຍໄດ້ກຳນົດໃຫ້ 6 ເດືອນ ແລະ ສາມາດຕໍ່ໄດ້ອີກ 3 ເດືອນ ກ່ອນໃບອະນຸຍາດໝົດອາຍຸ, ເຊິ່ງລວມທັງໝົດບໍ່ໃຫ້ເກີນ 9 ເດືອນ.
ຂໍ້ຕົກລົງສະບັບດັ່ງກ່າວນີ້ ໄດ້ເອົາລົງໃນຈົດໝາຍເຫດທາງລັດຖະການ 15 ວັນ ແຕ່ວັນທີ 2 ກໍລະກົດ 2015, ແລະ ຈະມີຜົນບົງຄັບໃຊ້ເລີ່ມແຕ່ວັນທີ 17 ກໍລະກົດ 2015 ເປັນຕົ້ນໄປ.
| # | ຫົວຂໍ້ | ດາວໂຫຼດ |
|---|---|---|
| 1 | MoIC issues Decision on Import for Re-export and Temporary Export of Controlled Goods |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.