ຈຸດປະສົງ​ຂອງການ​ຈັດ​​ກອງ​ປະຊຸມໃນ​ຄັ້ງນີ້ ​ແມ່ນເພື່ອຝຶກອົບຮົມວຽກງານການຄຸ້ມຄອງ ແລະ ການອອກໃບຢັ້ງຢືນແຫຼ່ງກຳເນີດສິນຄ້າທີ່ໄດ້ຮັບສິດທິພິເສດ ເພື່ອຮັບປະກັນຄວາມຖືກຕ້ອງຂອງການຈັດຕັ້ງປະຕິບັດ ແລະ ເພື່ອສົ່ງເສີມໃຫ້ພາກທຸລະກິດຫັນມານຳໃຊ້ສິດທິພິເສດທີ່ໄດ້ຮັບໃຫ້ກວ້າງຂວາງ.

ກອງປະຊຸມຝຶກອົບຮົມໃນຄັ້ງນີ້ ຈະໄດ້ດຳເນີນໄປເປັນເວລາ 2 ວັນ, ຈະໄດ້ລົງເລິກທາງດ້ານວິຊາການ, ການແນະນໍາລະອຽດກ່ຽວກັບວຽກງານດັ່ງລຸ່ມນີ້

1.   ສະພາບລວມທາງດ້ານສິດທິພິເສດທາງດ້ານການຄ້າທີ່ ສປປ ລາວ ໄດ້ຮັບ

2.  ຫຼັກການ ຫຼື ວິທີການກວດກາແຫຼ່ງກຳເນີດສິນຄ້າ ພາຍໃຕ້ລະບົບສິດທິ​ພິ​ເສດ​ທາງ​ການ​ຄ້າ ທີ່ ສປປ ລາວ ​ໄດ້​ຮັບ;

3.  ວິທີປະກອບເອກະສານໃບຄຳຮ້ອງຂໍຮັບຮອງສິນຄ້າໄດ້ແຫຼ່ງກຳເນີດ ແລະ ໃບຢັ້ງຢືນແຫຼ່ງກຳເນີດສິນຄ້າ;

4.  ວິທີການບັນທຶກຂໍ້ມູນຂອງບໍລິສັດທີ່ມາອອກໃບຢັ້ງຢືນແຫຼ່ງກຳເນີດສິນຄ້າ ລົງໃນແບບຟອມແບບເອກະພາບທົ່ວປະເທດ;

5.  ວິທີການປ້ອນຂໍ້ມູນລົງໃນແບບຟອມເກັບກຳສະຖິຕິແບບເອກະພາບທົ່ວປະເທດ;

6.  ຈັດ​ເປັນ​ກຸ່ມເຮັດກິດຈະກຳບົດຝຶກຫັດຕົວຈິງ;

ດາວໂຫຼດ: ວາລະກອງປະຊຸມສຳມະນາ ຫົວຂໍ້ “ເຜີຍແຜ່ລະບຽບແຫຼ່ງກຳເນີດສີນຄ້າ - ການຕິດຕາມປະເມີນຜົນ ແລະ ແນະນຳການຈັດຕັ້ງປະຕິບັດການອອກໃບຢັ້ງຢືນແຫຼ່ງກຳເນີດສິນຄ້າໃຫ້ກັບຫ້ອງການເຈົ້າໜ້າທີ່ຢັ້ງຢືນແຫຼ່ງກຳເນີດສິນຄ້າ”

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.