 ອີງຕາມ ລັດຖະທໍາມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ສະບັບເລກທີ່ 63/ສພຊ, ລົງວັນທີ 8 ທັນວາ 2015;

 ອີງຕາມ ກົດຫມາຍວ່າດ້ວຍການປົກປັກຮັກສາສິ່ງແວດລ້ອມ ສະບັບເລກທີ 29/ສພຊ, ລົງວັນທີ 18 ທັນວາ 2012;

 ອີງຕາມ ກົດຫມາຍວ່າດ້ວຍຊັບສິນຂອງລັດ ສະບັບເລກທີ 18/ສພຊ, ລົງວັນທີ 7 ກໍລະກົດ 2022; ອີງຕາມ ມະຕິຂອງຄະນະປະຈໍາສະພາແຫ່ງຊາດ ສະບັບເລກທີ 261/ຄປຈ, ລົງວັນທີ 28 ສິງຫາ 2023; ອີງຕາມ ຫນັງສືສະເຫນີຂອງ ຄະນະປະຈໍາສະພາແຫ່ງຊາດ ສະບັບເລກທີ 29/ຄປຈ, ລົງວັນທີ 28 ສິງຫາ

 2023.

 

ຫມວດທີ 1 

ບົດບັນຍັດທົ່ວໄປ

ມາດຕາ 1 ຈຸດປະສົງ

ລັດຖະບັນຍັດສະບັບນີ້ ກໍານົດ ອັດຕາ ແລະ ວິທີການຄິດໄລ ່ຄ່າຊັບພະຍາກອນທໍາມະຊາດ ເພື່ອ ຮັບປະກັນການເກັບຄ່າຊັບພະຍາກອນທໍາມະຊາດ ໃຫ້ຖືກຕ້ອງ, ມີຄວາມເປັນເອກະພາບ ແລະ ມີປະສິດທິຜົນ ໃນຂອບເຂດທົ່ວປະເທດ ແນໃສ່ສ້າງລາຍຮັບເຂົ້າງົບປະມານແຫ່ງລັດ ຕາມກົດຫມາຍ, ປະກອບສ່ວນພັດທະນາ ເສດຖະກິດ-ສັງຄົມຂອງຊາດ ໃຫ້ເຂັ້ມແຂງ.

ມາດຕາ 2 ຄ່າຊັບພະຍາກອນທໍາມະຊາດ

ຄ່າຊັບພະຍາກອນທໍາມະຊາດ ແມ່ນ ພັນທະດ້ານການເງິນ ຊຶ່ງບຸກຄົນ, ນິຕິບຸກຄົນທັງພາຍໃນ ແລະ ຕ່າງປະເທດ ທີ່ໄດ້ຮັບອະນຸຍາດດໍາເນີນທຸລະກິດ ກ່ຽວກັບຊັບພະຍາກອນທໍາມະຊາດ ຕ້ອງເສຍໃຫ້ລັດ ຕາມ ອັດຕາທີ່ໄດ້ກໍານົດໄວ້ໃນລັດຖະບັນຍັດສະບັບນີ້.

ມາດຕາ 3 ຫຼັກການການກໍານົດອັດຕາຄ່າຊັບພະຍາກອນທໍາມະຊາດ

ການກໍານົດອັດຕາຄ່າຊັບພະຍາກອນທໍາມະຊາດ ໃຫ້ປະຕິບັດຕາມຫຼັກການ ດັ່ງນີ້:

1. ອີງໃສ່ລະດັບການຂະຫຍາຍຕົວຂອງພື້ນຖານການຜະລິດ, ເສດຖະກິດ-ສັງຄົມ ແລະ ນະໂຍບາຍທາງ ດ້ານເສດຖະກິດ-ການເງິນ ຂອງລັດຖະບານ;

2. ຮັບປະກັນການພັດທະນາແບບຍືນຍົງ, ນໍາໃຊ້ຊັບພະຍາກອນທໍາມະຊາດແບບປະຢັດ ແລະ ຮັກສາໄວ້ຢ່າງຍາວນານ;

3. ກໍານົດເປັນເອກະພາບ ໃນອັດຕາດຽວກັນທົ່ວປະເທດ.

ມາດຕາ 4 ຂອບເຂດການນໍາໃຊ້ລັດຖະບັນຍັດ

ລັດຖະບັນຍັດສະບັບນີ້ ນໍາໃຊ້ສໍາລັບ ບຸກຄົນ, ນິຕິບຸກຄົນ ທັງພາຍໃນ ແລະ ຕ່າງປະເທດ ທີ່ດໍາເນີນ ທຸລະກິດ ລວມທັງ ການຈັດຕັ້ງ ທີ່ຄຸ້ມຄອງວຽກງານ ກ່ຽວກັບ ຊັບພະຍາກອນທາງດ້ານແຮ່ທາດ, ຊັບ ພະຍາກອນເຄື່ອງປ່າຂອງດົງ ແລະ ຊັບພະຍາກອນນ້ໍາ ຢູ່ ສປປ ລາວ.

ລັດຖະບັນຍັດສະບັບນີ້ ບໍ່ກວມເອົາປະເພດ ພືດ, ແກ່ນ, ຕົ້ນໄມ້ອຸດສາຫະກໍາ ທີ່ໄດ້ມາຈາກການປູກ ໂດຍຜູ້ປະກອບການ ຫຼື ປະຊາຊົນ.

 

ຫມວດທີ 2 

ອັດຕາຄ່າຊັບພະຍາກອນທໍາມະຊາດ

ມາດຕາ 5 ອັດຕາຄ່າຊັບພະຍາກອນແຮ່ທາດ

ກ. ຊັບພະຍາກອນແຮ່ທາດ

ຄ່າຊັບພະຍາກອນແຮ່ທາດ ໃຫ້ເກັບຕາມອັດຕາ ດັ່ງນີ້:

ລ/ດ ປະເພດແຮ່ທາດ ອັດຕາສ່ວນຮ້ອຍ (%) ຂອງມຸນ

ຄ່າແຮ່ທາດ ຫຼື ຜະລິດຕະພັນແຮ່ທາດທີ່ຂຸດຄົ້ນ ຫຼື ຂາຍຕາມ ລາຄາຕະຫຼາດສາກົນ, ພາກພື້ນ ແລະ ພາຍໃນປະເທດ

1 ແກ້ວປະເສີດ ແລະ ຢົກ

ເພັດ, ຣູບີ, ຊັບຟາຍ, ມໍລະກົດ

ຢົກ 13

2 ເຄິ່ງແກ້ວປະເສີດ

ມຸກ, ອາເລັກຊັງໄຮດ

ອາເອໂຣອິດ, ໂຣໂດໄຣດ, ປີຣົກ, ເບຣິກ, ສະປີແນນ, ໂຕປສາ, ກິດໂສໄຣດ, ໂອ ປານ, ທຣູມາລິນ, ອາກັດ 10

3 ກາກເນັດ;

ກວັສ (ແກ້ວນາງຝານ), ອາເມຕີສ 12

4 ໂລຫະພື້ນຖານ (ໂລຫະທີ່ບໍ່ແມ່ນ ເຫຼັກ)

ທອງ, ຊືນ, ກົ່ວ, ສັງກະສີ, ອາລູມີນຽມ 9

5 ເຫຼັກ ແລະ ໂລຫະປະສົມ

ເຫຼັກ

ຕີຕານ, ມັງການ, ໂກຼມ, ວານາດຽມ, ນີແກນ, ໂຄບານ, ໂມລິບແດນ, ສະຕັງແຕນ 10

6 ໂລຫະທີ່ມີໜ້ອຍ ແລະ ພົວພັນກັບອະໂລຫະ

ອັງຕີມອນ, ອັກເຊນິກ, ເບຣີລຽມ, ແຄັດມຽມ, ບີສມຸດ, ແມັກນີຊຽມ, ບາຫຼອດ, ຣີດຽມ ແລະ ຊີລີນຽມ, ໂຣຸມບຽມ, ໄທທານຽມ, ເຊີໂກນຽມ 10

7 ແຮ່ເອເວໂປໄຣຕ

ຫີນກາວ, ອານຣີໄດຣ, ເກືອມັກເຍ 4

8 ແຮ່ທາດອຸດສາຫະກຳ

ຟຣູອໍໄຣຕ, ບາໄຣຕ, ຟົດຟໍໄຣຕ, ເມກາ 7

9 ດິນ-ຫີນອຸດສາຫະກຳ

ຫີນປູນ, ຫີນໂດໂລໄມຕ, ມາເຍໄຊຍ, ຫີນລາເຕຣິດ, ດິນໜຽວ, ດິນກາວແລງ, ຕູຟ, ອາສເບສໂຕສ, ຊາຍຜະລິດແກ້ວ, ຕານຄ, ອາລູໄນຕ, ຫີນແຮ່, ຫີນກຣາໄນຕ, ຫີນໄດໂອໄຣ, ຫີນກາບໂປຼ, ຫີນໄຣໂອໄຣຕ, ຫີນແຜ່ນ 4

10 ຫີນປະດັບ

ຫີນການິດ, ຫີນອ່ອນ, ຫີນໄນ, ຫີນສະເລດ 6

11 ຖ່ານຫີນ

ລີກໄນ, ຊັບປີທູມີນັດ, ແອນຕຣາໄຊ 6

12 ນ້ຳມັນ ແລະ ອາຍແກັດທຳມະຊາດ ອີງຕາການເຈລະຈາສັນຍາ

 

ສໍາລັບຊັບພະຍາກອນແຮ່ທາດ ທີ່ນໍາໃຊ້ເປັນວັດຖຸດິບ ເພື່ອນໍາໃຊ້ເຂົ້າໃນໂຄງການໄຟຟ້າ ແມ່ນໃຫ້ ຄິດໄລ່ຕາມມູນຄ່າຕົ້ນທຶນການຜະລິດທີ່ຂຸດຄົ້ນໄດ້ ຕາມການຢັ້ງຢືນຂອງຂະແຫນງການທີ່ກ່ຽວຂ້ອງ ແລະ ເກັບຄ່າຊັບພະຍາກອນທໍາມະຊາດ ຕາມອັດຕາທີ່ໄດ້ກໍານົດໄວ້ໃນມາດຕານີ້.

ສໍາລັບແຮ່ທາດທີ່ເປັນຍຸດທະສາດ ຫຼື ສະຫງວນໄວ້ເພື່ອຮັບໃຊ້ກິດຈະການພາຍໃນ ແມ່ນບໍ່ອະນຸຍາດ ໃຫ້ສົ່ງອອກ ຊຶ່ງບັນຊີແຕ່ລະປະເພດ ຂະແຫນງການທີ່ກ່ຽວຂ້ອງ ເປັນຜູ້ກໍານົດໃນແຕ່ລະໄລຍະ.

ຂ. ຊັບພະຍາກອນແຮ່ທາດ ຮັບໃຊ້ກິດຈະການກໍ່ສ້າງ

ຄ່າຊັບພະຍາກອນແຮ່ທາດ ຮັບໃຊ້ກິດຈະການກໍ່ສ້າງ ໃຫ້ເກັບຕາມອັດຕາ ດັ່ງນີ້:

ລ/ດ ປະເພດຊັບພະຍາກອນ ອັດຕາສ່ວນຮ້ອຍ (%) ຂອງລາຄາຂາຍ ຫົວໜ່ວຍ

1 ດິນດຳ, ດິນແດງ, ດິນໜຽວ 4 ແມັດກ້ອນ

2 ຊາຍ 4 ແມັດກ້ອນ

3 ຫີນແຮ່, ຫີນຫາດ 4 ແມັດກ້ອນ

4 ຫີນຜາ

ຫີນໂດໂລໄມຕ

ກຣາໄນຕ-ໄດໂອໄຣ

ຫີນບາຊານ

ຫີນຊາຍ 4 ແມັດກ້ອນ

 

ສໍາລັບຄ່າຊັບພະຍາກອນທໍາມະຊາດ ເພື່ອຮັບໃຊ້ໂຄງການໄຟຟ້າ ເປັນຕົ້ນ ຄ່າຊັບພະຍາກອນດິນ, ຫີນ ແລະ ຊາຍ ທີ່ຂຸດຄົ້ນໃນຂອບເຂດສໍາປະທານໂຄງການໄຟຟ້າ ແລະ ນໍາໃຊ້ເຂົ້າໃນໂຄງການດັ່ງກ່າວ ໃຫ້ ຄິດໄລ່ລວມເປັນອັດຕາດຽວກັບຄ່າຊັບພະຍາກອນທໍາມະຊາດ ເພື່ອຮັບໃຊ້ໂຄງການໄຟຟ້າ ຕາມທີ່ໄດ້ກໍານົດ ໄວ້ໃນມາດຕາ 7 ຂອງລັດຖະບັນຍັດສະບັບນີ້, ສ່ວນຄ່າຊັບພະຍາກອນແຮ່ທາດອື່ນ ທີ່ບໍ່ຢູ່ໃນເຂດສໍາປະທານ ແຕ່ໄດ້ນໍາໃຊ້ເຂົ້າໃນໂຄງການໄຟຟ້ານັ້ນ ໃຫ້ເກັບຕາມອັດຕາທີ່ໄດ້ກໍານົດໄວ້ໃນມາດຕານີ້.

ມາດຕາ 6 ອັດຕາຄ່າຊັບພະຍາກອນທໍາມະຊາດເຄື່ອງປ່າຂອງດົງ

ຄ່າອັດຕາຄ່າຊັບພະຍາກອນທໍາມະຊາດເຄື່ອງປ່າຂອງດົງ ໃຫ້ເກັບຕາມອັດຕາ ດັ່ງນີ້:

ລ/ດ ປະເພດເຄື່ອງປ່າຂອງດົງ ອັດຕາສ່ວນຮ້ອຍ (%) 

ຂອງມູນຄ່າຂາຍ

1 ຕົ້ນໄມ້ເກີດຢູ່ທຳມະຊາດໜ້າຕ່າງຂະໜາດນ້ອຍ 20 ຊັງຕີແມັດລົງມາ ທີ່ນຳໃຊ້ເປັນໄມ້ປະດັບ 50

2 ຊີ້ນສ່ວນໄມ້ເກດສະໜາ 40

3 ຊີ້ນສ່ວນໄມ້ຈັນຫອມ, ໄມ້ຈັນໃດ, ໄມ້ຈັນແດງ, ໄມ້ຈັນຂາວ 30

4 ເສັ້ນຫວາຍທູນ, ເສັ້ນຫວາຍນ້ອຍ 30

5 ຍອດຫວາຍ, ຍອດບຸ່ນ, ຍອດຕາວ 30

6 ເຄືອແຫມ, ເຄືອຕຽງ, ເຄືອຕິບຕິ, ເຄືອເຂົາຮໍ, ເຄືອສະຄ່ານ 30

7 ຖ່າດັງໄຟ 20

8 ໄມ້ປ່ອງ,ໄມ້ລວງປຸກ 15

9 ແກ່ນຄູນ 10

10 ຢ່າງເກື້ອມ, ຢາງແປກ, ຢາງໄມ້ແດງ, ຢາງໄມ້ດູ່, ຢາງບົງ, ຢາງໄມ້ແຄນ, ນ້ຳມັນຍາງ, ນ້ຳມັນຍານ 10

11 ໝາກຈອງ, ໝາກຈອງບານ, ໝາກຕາວ, ໝາກແສງເບື່ອ, ໝາກຂາມແພບ, ໝາກແໜ່ງ, ໝາກກະເບົາ, ໝາກເກືອ, ໝາກຄອນແຄນ, ໝາກຄໍ້ສົ້ມ, ໝາກແຕກ, ໝາກເກື້ອມ, ໝາກຂາໄກ່, ໝາກຫວາຍ, ໝາກຂ່າ, ໝາກກໍ່, ໝາກໂປ່ງເປັ້ງ, ໝາກແຫຼະ, ໝາກສາມສິບ, ໝາກກ້າ 10

12 ເປືອກບົງ, ເປືອກເມືອກ, ເປືອກສຽດ, ເປືອກປໍສາ, ເປືອກຫີນ, ເປືອກແຄ, ເປືອກຫາດ, ເປືອກສາມຫາງ 10

13 ຢາຫົວ, ຫົວດຸກເດືອ, ຫົວກະປຸກ, ຫົວກອຍ, ຫົວຂ່າ, ຫົວຂ່າ, ຫົວສາມສິບ, ຮາກອ່ຽນດ່ອນ, ຫົວຫານໃຈ, ຫົວສາມພັນຮູ, ຫົວມັນ 10

14 ດອກເຜິ້ງ 30

15 ໄມ້ຕິ້ວ, ໄມ້ກໍ່, ໄມ້ຟືນ, ໄມ້ຄ້ຳແບບ, ໄມ້ຫຼັກຮົ້ວ 10

16 ໜໍ່ໄມ້ທຸກຊະນິດ, ເຫັດທຸກຊະນິດ 10

17 ນ້ຳກ້ຽງ 5

18 ຜັກປ່າທຸກຊະນິດ 4

19 ດອກແຂມ, ໃບຊາປ່າ 4

20 ຂີ້ຊີ, ຂີ້ຄັ່ງ, ຂີ້ເຈຍ 4

21 ໂສມຜາ 30

22 ຫົວຂ່າຮົ່ມສາມເມືອງ 50

 

ການເກັບອັດຕາຄ່າຊັບພະຍາກອນທໍາມະຊາດ ປະເພດເຄື່ອງປ່າຂອງດົງ ໃຫ້ເກັບເວລາເຄື່ອນຍ້າຍ

ແລະ ສົ່ງອອກໄປຕ່າງປະເທດ.

ສໍາລັບເຄື່ອງປ່າຂອງດົງທີ່ໃກ້ສູນພັນ ແມ່ນບໍ່ອະນຸຍາດໃຫ້ສົ່ງອອກ ຊຶ່ງບັນຊີລະອຽດນັ້ນ ຂະແຫນງ ການທີ່ກ່ຽວຂ້ອງ ເປັນຜູ້ກໍານົດໃນແຕ່ລະໄລຍະ.

ມາດຕາ 7 ອັດຕາຄ່າຊັບພະຍາກອນທໍາມະຊາດເພື່ອຮັບໃຊ້ໂຄງການໄຟຟ້າ (ຄ່າພາກຫຼວງ) 

ອັດຕາຄ່າຊັບພະຍາກອນທໍາມະຊາດ ເພື່ອຮັບໃຊ້ໂຄງການໄຟຟ້າ ໃຫ້ເກັບ ດັ່ງນີ້:

ລ/ດ ປະເພດການນຳໃຊ້ຊັບພະຍາກອນທຳມະຊາດ ອັດຕາສ່ວນຮ້ອຍ (%)

ສະເລ່ຍຂອງລາຍຮັບທັງໝົດຈາກການຂາຍໄຟຟ້າຕາມມູນຄ່າປັດຈຸບັນ  (Present Value: PV)

1 ໂຄງການໄຟຟ້າ ພະລັງງານນ້ຳ ແລະ ຄວາມຮ້ອນ (ຖ່ານຫີນ) ທີ່ມີການສົ່ງອອກຂາຍໄປຕ່າງປະເທດ

 

5

2 ໂຄງການໄຟຟ້າ ພະລັງງານນ້ຳ ແລະ ຄວາມຮ້ອນ (ຖ່ານຫີນ) ທີ່ມີການສະໜອງໄຟຟ້າໃຫ້ແກ່ພາຍໃນປະເທດສະເພາະ ແລະ ກຳລັງຕິດຕັ້ງຫຼາຍກວ່າ 5 ເມກາວັດ

3 ໂຄງການໄຟຟ້າ ພະລັງງານນ້ຳ ແລະ ຄວາມຮ້ອນ (ຖ່ານຫີນ) ທີ່ມີການສະໜອງໄຟຟ້າໃຫ້ແກ່ພາຍໃນປະເທດສະເພາະ ແລະ ກຳລັງຕິດຕັ້ງ ໜ້ອຍກວ່າ ຫຼື ເທົ່າກັບ 5 ເມກາວັດ 2

4 ໂຄງການໄຟຟ້າແສງຕາເວັນ ແລະ ພະລັງງານລົມ; ພະລັງງານຊີວະມວນ ທີ່ມີການສະໜອງໄຟຟ້າໃຫ້ແກ່ພາຍໃນປະເທດ 1

5 ໂຄງການໄຟຟ້າແສງຕາເວັນ ແລະ ພະລັງງານລົມ; ພະລັງງານຊີວະມວນ ທີ່ມີການສົ່ງອອກຂາຍໄປຕ່າງປະເທດ 2 ຂຶ້ນໄປ

 

ການເກັບອັດຕາຄ່າຊັບພະຍາກອນທໍາມະຊາດ ທີ່ໄດ້ກໍານົດໄວ້ໃນຕາຕະລາງເທິງນີ້ ໃຫ້ເກັບຕາມລາຍ ຮັບທັງຫມົດຂອງການຂາຍໄຟຟ້າກ່ອນຫັກຄ່າໃຊ້ຈ່າຍຕ່າງໆ, ສ່ວນອັດຕາການເກັບລະອຽດ ແມ່ນໃຫ້ກໍານົດໄວ້ ໃນສັນຍາສໍາປະທານ ໂດຍໃຫ້ມູນຄ່າລາຍຮັບຈາກການເກັບຄ່າຊັບພະຍາກອນທໍາມະຊາດ ເທົ່າກັບ ມູນຄ່າ ປັດຈຸບັນຂອງລາຍຮັບທີ່ຄິດໄລ່ແບບສະເລ່ຍ ຕະຫຼອດໄລຍະເວລາໂຄງການ ຕາມອັດຕາທີ່ກໍານົດໄວ້ໃນ

ມາດຕານີ້.

ມາດຕາ 8 ອັດຕາຄ່າຊັບພະຍາກອນນໍ້າທໍາມະຊາດສໍາລັບແຕ່ລະກິດຈະການຜະລິດ ແລະ ການບໍລິການ

ອັດຕາຄ່າຊັບພະນາກອນນໍ້າທໍາມະຊາດ ສໍາລັບແຕ່ລະກິດຈະການຜະລິດ ແລະ ການບໍລິການ ໃຫ້ເກັບດັ່ງນີ້:

 

ລ/ດ ປະເພດການນຳໃຊ້ ອັດຕາການເກັບ ກີບຕໍ່ແມັດກ້ອນ

 

1 ການນຳໃຊ້ນ້ຳທຳມະຊາດ ເຂົ້າໃນກິດຈະການຜະລິດອຸດສາຫະກຳ 5

2 ການນຳໃຊ້ນ້ຳທຳມະຊາດ ເຂົ້າໃນກິດຈະການບໍ່ແຮ່ 10

3 ການນຳໃຊ້ນ້ຳທຳມະຊາດ ເຂົ້າໃນກິດຈະການທ່ອງທ່ຽວ ແລະ ກິລາເຊັ່ນ: ຣີສອດ, ໂຮງແຮມ, ເຮືອນພັກ, ຮ້ານອາຫານ ແລະ ກິດຈະການບໍລິການກິລາຕ່າງໆ 5

4 ການນຳໃຊ້ນ້ຳທຳມະຊາດ ເຂົ້າໃນການຜະລິດນ້ຳປະປາ 5

 

ຫມວດທີ 3

ການເກັບ ແລະ ການມອບ ຄ່າຊັບພະຍາກອນທໍາມະຊາດ

ມາດຕາ 9 ການເກັບຄ່າຊັບພະຍາກອນທໍາມະຊາດ

ຂະແຫນງການການເງິນ ເປັນຜູ້ຮັບຜິດຊອບໃນການຄິດໄລ່ ແລະ ເກັບຄ່າຊັບພະຍາກອນທໍາມະຊາດ ແລະ ລາຍຮັບອື່ນ ລວມທັງຄ່າປັບໃຫມ ທີ່ພົວພັນກັບຊັບພະຍາກອນທໍາມະຊາດ ຕາມທີ່ໄດ້ກໍານົດໄວ້ໃນກົດ ຫມາຍ ແລະ ລະບຽບການທີ່ກ່ຽວຂ້ອງ.

ມາດຕາ 10 ການມອບລາຍຮັບຈາກຊັບພະຍາກອນທໍາມະຊາດ

ລາຍຮັບຈາກຄ່າຊັບພະຍາກອນທໍາມະຊາດ ທີ່ໄດ້ກໍານົດໄວ້ໃນລັດຖະບັນຍັດສະບັບນີ້ ສາມາດມອບ ເຂົ້າງົບປະມານແຫ່ງລັດ ເປັນ ເງິນກີບ ຫຼື ເງິນຕາຕ່າງປະເທດ ຕາມສັນຍາ ຫຼື ການຊື້ຂາຍຕົວຈິງ ໂດຍໃຫ້ ຄິດໄລ່ຕາມອັດຕາແລກປ່ຽນເງິນຕາຂອງທະນາຄານທຸລະກິດຂອງລັດວາງອອກໃນແຕ່ລະໄລຍະ.

ສໍາລັບຄ່າຊັບພະຍາກອນແຮ່ທາດທີ່ກໍານົດໄວ້ໃນ ມາດຕາ 5 ຂໍ້ ກ ແລະ ມາດຕາ 6 ໃນກໍລະນີມີການ ຂຸດຄົ້ນເພື່ອສົ່ງອອກ ໃຫ້ມອບເຂົ້າງົບປະມານແຫ່ງລັດ ເປັນສະກຸນເງິນຕາຕ່າງປະເທດ ຕາມການຕົກລົງເຫັນດີ ຂອງລັດຖະບານ.

ມາດຕາ 11 ວິທີການຄິດໄລ່ຄ່າຊັບພະຍາກອນທໍາມະຊາດ

ການຄິດໄລ່ຄ່າຊັບພະຍາກອນທໍາມະຊາດ ໃຫ້ປະຕິບັດຕາມ ສອງວິທີ ຄື:

1. ຄິດໄລ່ດ້ວຍການເອົາມູນຄ່າລາຄາຂາຍຕົວຈິງ ຄຸນໃຫ້ອັດຕາສ່ວຍຮ້ອຍ ຂອງຊະນິດຊັບພະຍາກອນ ທໍາມະຊາດທີ່ຂາຍອອກ.

ສໍາລັບແຮ່ທາດ ໃຫ້ຄິດໄລ່ດ້ວຍການເອົາ ລາຄາຕະຫຼາດສາກົນ, ພາກພື້ນ ຫຼື ພາຍໃນປະເທດ ໃນວັນ ທີ່ອອກເອກະສານແຈ້ງມອບພັນທະຄ່າຊັບພະຍາກອນທໍາມະຊາດ ຄຸນໃຫ້ບໍລິມາດ, ອັດຕາສ່ວນຮ້ອຍຂອງ ຊະນິດແຮ່ທາດ ແລະ ຄຸນນະພາບຂອງແຮ່ທາດຕົວຈິງ ໂດຍບໍ່ມີການຫັກລົບຄ່າໃຊ້ຈ່າຍຕ່າງໆອອກ;

2. ຄິດໄລ່ຕາມປະລິມານຊັບພະຍາກອນທໍາມະຊາດ ທີ່ຂຸດຄົ້ນມາໄດ້ ເພື່ອຂາຍ ຫຼື ນໍາໃຊ້ ຄຸນກັບ ອັດຕາ ມູນຄ່າເປັນເງິນ ຕາມທີ່ໄດ້ກໍານົດໄວ້ໃນລັດຖະບັນຍັດສະບັບນີ້.

ຂະແຫນງການເງິນ ເປັນຜູ້ຄິດໄລ່ ແລະ ຈັດເກັບ ຄ່າຊັບພະຍາກອນທໍາມະຊາດ ຕາມການຢັ້ງຢືນຄຸນ ນະພາບ ແລະ ປະລິມານ ຈາກຂະແໜງການທີ່ກ່ຽວຂ້ອງ.

 

ຫມວດທີ 4

ບົດບັນຍັດສຸດທ້າຍ

 

ມາດຕາ 12 ການຈັດຕັ້ງປະຕິບັດ

ລັດຖະບານແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເປັນຜູ້ຈັດຕັ້ງປະຕິບັດລັດຖະບັນຍັດ ສະບັບນີ້.

ມາດຕາ 13 ຜົນສັກສິດ

ລັດຖະບັນຍັດສະບັບນີ້ ມີຜົນສັກສິດ ນັບແຕ່ວັນທີ 1 ມັງກອນ 2024 ພາຍຫຼັງ ປະທານປະເທດ ລົງ ລາຍເຊັນ ແລະ ລົງໃນຈົດຫມາຍເຫດທາງລັດຖະການເປັນຕົ້ນໄປ.

ລັດຖະບັນຍັດສະບັບນີ້ ປ່ຽນແທນ ລັດຖະບັນຍັດຂອງປະທານປະເທດ ວ່າດ້ວຍອັດຕາຄ່າຊັບພະຍາ ກອນທໍາມະຊາດ ສະບັບເລກທີ 001/ປປທ, ລົງວັນທີ 15 ທັນວາ 2015.

ຜົນປະໂຫຍດຂອງຜູ້ດໍາເນີນທຸລະກິດ ກ່ຽວກັບ ຊັບພະຍາກອນທໍາມະຊາດ ທີ່ໄດ້ຮັບພາຍໃຕ້ກົດ ຫມາຍ ຫຼື ສັນຍາທີ່ໄດ້ເຊັນກັບລັດ ກ່ອນລັດຖະບັນຍັດສະບັບນີ້ ແມ່ນໃຫ້ປະຕິບັດຕາມສັນຍາທີ່ໄດ້ເຊັນນັ້ນ. ໃນກໍລະນີ ທີ່ຜູ້ດໍາເນີນທຸລະກິດກ່ຽວກັບຊັບພະຍາກອນທໍາມະຊາດດັ່ງກ່າວ ຫາກມີຈຸດປະສົງຕ້ອງການຮັບ ນະໂຍບາຍຕາມລັດຖະບັນຍັດສະບັບນີ້ ກໍມີສິດສະເຫນີຕໍ່ຂະແຫນງການທີ່ກ່ຽວຂ້ອງ ແລ້ວຂະແຫນງການດັ່ງກ່າວ ກໍຈະແຈ້ງໃຫ້ຜູ້ດໍາເນີນທຸລະກິດ ກ່ຽວກັບຊັບພະຍາກອນທໍາມະຊາດ ປະຕິບັດຕາມກົດຫມາຍ ແລະ ລະບຽບ

ການ.

 

 

#	ຫົວຂໍ້	ດາວໂຫຼດ
1	Provision of the President of the Lao People's Democratic Republic on the Natural Property Price Index, No 002/PS, date 28 September 2023	PDF
2	ລັດຖະບັນຍັດ ຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົົນລາວ ວ່າດ້ວຍ ອັດຕາຄ່າຊັບພະຍາກອນທໍາມະຊາດ ສະບັບເລກທີ 002/ປປທ, ລົງວັນທີ 28 ກັນຍາ 2023	PDF