ກະຊວງກະສິກໍາ ແລະ ປ່າໄມ້

ກົມປູກຝັງ

ເລກທີ 2804/ກປຝ

ນະຄອນຫຼວງວຽງຈັນ, ວັນທີ 09 ສິງຫາ 2023

 

ກ່ຽວກັບ ເງື່ອນໄຂສຸຂານາໄມພືດ ສໍາລັບ ການສົ່ງອອກ ໃບຢາສູບ ຈາກ ສປປ ລາວ ໄປ ສປ ຈີນ

 

- ອີງຕາມ ກົດຫມາຍ ວ່າດ້ວຍການປ້ອງກັນພືດ ແລະ ການກັກກັນພືດ ສະບັບເລກທີ 13/ສພຊ, ລົງວັນທີ່ 15 ພະຈິກ 2016;

- ອີງຕາມ ຂໍ້ຕົກລົງ ຂອງລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງກົມປູກຝັງ ສະບັບ ເລກທີ 0078/ກປ, ລົງວັນທີ 12 ມັງກອນ 2022;

- ອີງຕາມ ອະນຸສັນຍາ ກ່ຽວກັບ ຂໍ້ກໍານົດເງື່ອນໄຂດ້ານສຸຂານາໄມພືດ ສໍາລັບ ສົ່ງອອກໃບຢາສູບ ຈາກ ສປປ ລາວ ໄປ ສປ ຈີນ, ເດືອນ ພະຈິກ 2022.

ໃນໄລຍະຜ່ານມາ ລັດຖະບານ ໄດ້ມີນະໂຍບາຍສົ່ງເສີມການຜະລິດພືດເປັນສິນຄ້າ ເຮັດໃຫ້ມີການແລກປ່ຽນ ຄ້າຂາຍຜະລິດຕະພັນສິນຄ້າກະສິກໍາ ກັບພາກພື້ນ ແລະ ສາກົນ ນັບມື້ນັບເພີ່ມຂຶ້ນ. ໃນນັ້ນ, ກະຊວງກະສິກໍາ ແລະ ປ່າໄມ້ ໄດ້ລົງນາມໃນອະນຸສັນຍາ ຮ່ວມກັບ ອົງການບໍລິຫານພາສີ ແຫ່ງ ສປ ຈີນ ກ່ຽວກັບ ເງື່ອນໄຂດ້ານສຸຂານາໄມພືດ ສໍາລັບ ການສົ່ງອອກ ໃບຢາສູບ ຂອງ ສປປ ລາວ ໄປ ສປ ຈີນ ເຊິ່ງເຫັນວ່າໄດ້ມີການປູກ ໝາກນອດ ໃນຫຼາຍພື້ນທີ່ ສ້າງລາຍຮັບໃຫ້ປະຊາຊົນ ແລະ ປະກອບ ສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ ໄດ້ເປັນຢ່າງດີ. ແຕ່ການຊຸກຍູ້ສົ່ງເສີມດັ່ງກ່າວ ໃນຂອດຈັດຕັ້ງປະຕິບັດ ຍັງບໍ່ທັນສອດຄ່ອງກັບອະນຸສັນຍາ ເປັນຕົ້ນ ລະບົບການຜະລິດ, ລະບົບການຕິດຕາມ ແລະ ການຈັດການສັດຕູພືດໃນສວນປູກ, ຂັ້ນຕອນການບໍາບັດ, ການຈັດການຄວາມສະອາດ ໂຮງເຮືອນຫຸ້ມຫໍ່ບັນຈຸ ແລະ ການຈົດບັນທຶກ.

ເພື່ອໃຫ້ການຄຸ້ມຄອງການຜະລິດ ແລະ ການສົ່ງອອກ ໃບຢາສູບ ຫັນເຂົ້າສູ່ລະບົບ, ມີຄວາມເປັນເອກະພາບ, ໂປ່ງໃສ ແລະ ສອດຄ່ອງກັບ ອະນຸສັນຍາ ກ່ຽວກັບ ຂໍ້ກໍານົດເງື່ອນໄຂດ້ານສຸຂານາໄມພືດ ສໍາລັບການສົ່ງອອກ ຈາກ ສປປ ລາວ ໄປ ສປ ຈີນ ພ້ອມທັງ ກົດຫມາຍ, ລະບຽບການ ແລະ ສົນທິສັນຍາ ວ່າດ້ວຍ ການປ້ອງກັນພືດສາກົນ ທີ່ ສປປ ລາວ ແລະ ສປ ຈີນ ເປັນພາຄີ ນັ້ນ;

ກົມປຸກຝັງ ອອກຄໍາແນະນໍາ:

 

I. ຈຸດປະສົງ

- ເພື່ອປະຕິບັດຕາມ ອະນຸສັນຍາ ກ່ຽວກັບ ຂໍ້ກໍານົດເງື່ອນໄຂສຸຂານາໄມພືດ ສໍາລັບ ການສົ່ງອອກ ໃບຢາສູບ ຈາກ ສປປ ລາວ ໄປ ສປ ຈີນ;

- ເພື່ອກໍານົດ ຂັ້ນຕອນ ແລະ ວິທີການປະຕິບັດເງື່ອນໄຂດ້ານສຸຂານາໄມພືດ ສໍາລັບການສົ່ງອອກ ໃຫ້ມີຄວາມ ເປັນເອກະພາບ ໃນຂອບເຂດທົ່ວປະເທດ.

II. ເງື່ອນໄຂດ້ານສຸຂານາໄມພືດ ສໍາລັບການສົ່ງອອກ ໃບຢາສູບ ຈາກ ສປປ ລາວ ໄປ ສປ ຈີນ 

1. ຊະນິດຢາສູບ

ໃບຢຳສູບທີີຈະສົ່ງອອກ ຈາກ ສປປ ລາວ ໄປ ສປ ຈີນ ພາຍໃຕ້ຂໍ້ກໍານົດເງືີອນໄຂດ້ານສຸຂານາໄມພືດ ຕ້ອງເປັນໃບ ຢາສູບ ທີ່ອົບແຫ້ງແລ້ວ ຫຼື  ອົບແຫ້ງອີກ ທີີມີຊື່ວິທະຍາສາດ: Nicotiana tabacum L., ຊື່ສາມັນພາສາອັງກິດTobacco, ນອນໃນຕະກູນ Salanaceae ທີີ່ປູກ ແລະ ປຸງແຕ່ງຂັ້ນຕົ້ນ ຢູ່ ສປປ ລາວ.

 

 

 

 

 

 

 

2. ສັດຕູພືດກັກກັນ

ໃບຢາສູບ ທີ່ຈະສົ່ງອອກຈາກ ສປປ ລາວ ໄປ ສປ ຈີນ ຕ້ອງບໍ່ປົນເປື້ອນ ດິນ, ແມ່ງໄມ້ທີ່ມີຊີວິດ, ສິ່ງເຈືອປົນອື່ນ ແລະ ບໍ່ຕິດແປດສັດຕູພືດກັກກັນ ທີ່ຝ່າຍຈີນ ກໍານົດໄວ້ ຄືດັ່ງລຸ່ມນີ້:

No Scientific name Common name Characteristics/descriptions Sample images

1 Cenchrus spp.

(non-Chinese

species) Buffelgrasses

(ຫຍ້າຫາງຈິ້ງຈອກ) ເປັນຫຍ້າທີີ່ມີອາຍຸຫລາຍປີ ສູງ 20 ຫາ 120 ຊມ, ໃບມີລັກສະນະເປັນເສັ້ນຍາວ 3 ຫາ 25 ຊມ ແລະ ດອກເປັນຊໍ່ຍາວ 2 ຫາ 14 ຊມ ແລະ ກວ້າງ 1 ຫາ 2.6 ຊມ.  

Chromolaena

odorata

Siam weed

(ຫຍ້າຂິວ)

3 Ageratina

adenophora

Crofton weed

(ຫຍ້າສາບໝາ) ເປັນໄມ້ພຸ່ມທີ່ມີອາຍຸຫລາຍປີລຳຕົ້ນ ສູງ60-100 ຊມ, ມີລຳຕົ້ນລັກສະນະກົມ,ຕັ້ງຊື່, ເປືອກມີສີມ້ວງແດງ, ໃບເປັນໃບດ່ຽວ ກວ້າງ 3-5 ຊມ ຍາວ 4-8 ຊມ,ຂອບໃບເປັນແຂ້ວເລື່ອຍ ປາຍແຫຼມ,ດອກມີຂະຫນາດນ້ອຍ ເສັ້ນຜ່າສູນກາງ0.5 ຊມ ແລະ ມີເມັດເປັນສີນໍ້າຕານຂະຫນາດນ້ອຍທີ່ມີຂົນສີຂາວ ສາມາດກະຈາຍໄປຕາມລົມໄດ້ດີ.

4Solanum

torvum

Turkey berry

( ໝາກແຄ້ງ) ຕົ້ນມີຄວາມສູງ 2 ຫຼື 3 ມ, ລຳຕົ້ນມີສີຂີ້ເຖົ່າ ຫຼື ຂຽວ ມີໜາມຈົນຮອດໃບ, ຂອບໃບເປັນແສກ, ກ້ານໃບຍາວ 1-6 ຊມ ແລະ ໃບຍາວ 7-23 ຊມ, ມີຂົນສັ້ນປົກຄຸມ, ດອກມີສີຂາວ ຫຼື ມ້ວງ.  

5 Cussuta spp.

(ເຄື່ອເຂື່ອງ) ເປັນພືດກາຝາກ ຈະມີການຈະເລີນເຕີບໂຕ

ພາດໄປກັບຕົ້ນໄມ້ອື່ນ ແລະ ດູດກິນນໍ້າລ້ຽງ

ຈາກຕົ້ນພືດອື່ນ ເຄືອເຂື່ອງມີສີເຫຼືອງ ເສັ້ນ

ຜ່າສູນກາງ ປະ ມານ 1 ຊມ ດອກເປັນຊໍ່

ໜື່ງໝາກມີແກ່ນ 2-4 ແກ່ນ.  

6 Lasioderma

serricorne Cigar beetle

(ມອດຢາສູບ) ເປັນແມງປີກແຂງ ໂຕແກ່ເປັນສີນ້ຳຕານ,

ລຳໂຕຍາວ 2-3 ມມ, ໂຕອ່ອນເປັນສີ

ເຫຼືອງ ແລະ ຈະມີສີເຂັ້ມຂຶ້ນເມື່ອໃຫຍ່,

ທັງໂຕອ່ອນ ແລະ ໂຕແກ່ຈະກັດກິນໃບ

ຢາສູບແຫ້ງ.  

 

3. ການຈັດການສວນປູກ

ໃບຢາສູບ ທີ່ຈະສົ່ງອອກໄປ ສປ ຈີນ ຕ້ອງມີມາດຕະການເຝົ້າລະວັງສັດຕູພືດກັກກັນ ແລະ ມີການຈັດການ

ສວນແບບປະສົມປະສານ ດັ່ງນີ້:

1) ໃນຊ່ວງໄລຍະການຜະລິດ ຕ້ອງດໍາເນີນການຕິດຕາມເຝົ້າລະວັງ, ປ້ອງກັນ ແລະ ຄວບຄຸມສັດຕູພືດ;

2) ການຈັດການສັດຕູພືດກັກກັນ ໃນສວນປູກ ຕ້ອງມີການຈັດການສັດຕູພືດແບບປະສົມປະສານ (IPM)

ເຊັ່ນ: ການໃຊ້ກັບດັກເຟລາໂມນ ແລະ ກາວເຫຼືອງ, ການອານາໄມສວນປູກ, ຮັກສາຄວາມສະອາດ ແລະ

ອານຸລັກແມງໄມ້ທີ່ເປັນປະໂຫຍດ, ຖ້າພົບເຫັນສັດຕູພືດ ຄວນນໍາໃຊ້ວິທີກາຍະພາບ ໂດຍການເກັບທຳ

ລາຍແມງໄມ້ສັດຕູພືດຖິ້ມ ແລະ ນຳໃຊ້ວິທີການອື່ນທີ່ເໝາະສົມ:

3) ຜູ້ປະກອບການຕ້ອງມີການບັນທຶກລະອຽດ ກ່ຽວກັບ ການຕິດຕາມ ແລະ ການຈັດການສັດຕູພືດ ເຊັ່ນ: ຊື່

ສານເຄມີ, ລະດູການນໍາໃຊ້, ສານອອກລິດ, ປະລິມານນຳໃຊ້, ຈຳນວນຄັ້ງນໍາໃຊ້ ແລະ ຂໍ້ມູນອື່ນໆທີ່ກ່ຽວຂ້ອງ.ການບັນທຶກເອກະສານຕ້ອງເກັບຮັກສາໄວ້ເປັນຢ່າງດີ ແລະ ໃຫ້ມີພ້ອມ ໃນເວລາກວດກາຂອງ

ເຈົ້າໜ້າທີ່;

4) ສະຖານທີ່ປະກອບການຜະລິດ ຕ້ອງມີມາດຕະການປ້ອງກັນ ແລະ ຄວບຄຸມການຕິດແປດຂອງພະຍາໂຄ

ວິດ-19 ໃສ່ຜະລິດຕະພັນ ແລະ ຜູ້ປະຕິບັດໜ້າທີ່.

4. ໂຮງເຮືອນຫຸ້ມຫໍ່ບັນຈຸ

ການຈັດການພາຍໃນໂຮງເຮືອນຫຸ້ມຫໍ່ບັນຈຸ ຕ້ອງປະຕິບັດ ດັ່ງລຸ່ມນີ້:

1) ໃບຢາສູບ ທີ່ຈະສົ່ງອອກໄປ ສປ ຈີນ ຕ້ອງອົບແຫ້ງ ດ້ວຍເຄື່ອງອົບແຫ້ງ ໂດຍບໍ່ແມ່ນການຕາກແດດ:

2) ໃບຢາສູບ ທີ່ຈະສົ່ງອອກ ຈາກ ສປປ ລາວ ໄປ ສປ ຈີນ ຕ້ອງບໍ່ຕິດແປດສັດຕູພືດກັກກັ້ນ ຂອງ ສປ ຈີນ ທີ່

ໄດ້ກຳນົດ, ປາສະຈາກ ດິນ, ແມງໄມ້ທີ່ມີຊີວິດ ແລະ ປົນເປື້ອນກັບວັດຖຸອື່ນ;

3) ພາຊະນະຫຸ້ມຫໍ່ບັນຈຸ ຂອງໃບຢາສູບ ຕ້ອງພິມ ຫຼື ຕິດສະຫຼາກ ຂະໜາດຕົວອັກສອນທີ່ຈະແຈ້ງ. ເນື້ອໃນ

ສະຫຼາກຕ້ອງຂຽນ ຊື່ສາມັນ, ຊື່ວິທະຍາສາດ ແລະ ພາສາຈີນເຊັ່ນ: ປະເພດໃບຢາສູບ, ວັນເດືອນປີຜະລິດ

(ວັນທີ/ເດືອນ/ປີ), ຈໍານວນບັນຈຸ, ເກຼດ, ລະຫັດຖະບຽນສະຖານທີ່ປະກອບການຜະລິດ, ປະເທດ

ປາຍທາງ (The People's Republic of China Only);

4) ສະຫຼາກຂອງໃບຢາສູບ ທີ່ຈະສົ່ງອອກຈາກ ສປປ ລາວ ໄປ ສປ ຈີນ ຕ້ອງສອດຄ່ອງກັບມາດຕະຖານ

ແລະ ລະບຽບການທີ່ ກ່ຽວກັບ ການຫຸ້ມຫໍ່ບັນຈຸ ຂອງ ສປ ຈີນ;

5) ພາຍຫຼັງຫຸ້ມຫໍ່ບັນຈຸ ສຳເລັດ ໃຫ້ແຍກເກັບຮັກສາໄວ້ ສະຖານທີ່ສະອາດ ເພື່ອປ້ອງກັນການຕິດແປດຂອງ

ສັດຕູພືດ ແລະ ການປົນເປື້ອນ:

6) ໃນກໍລະນີ ກວດພົບເຫັນແມງໄມ້ທີ່ມີຊີວິດ ໃນຊ່ວງການປຸງແຕ່ງ ແລະ ເກັບຮັກສາ, ຕ້ອງຕິດຕາມກວດກາ

ສັດຕູພືດເລົ້າສາງ ໃນສະຖານທີ່ປະກອບການຜະລິດນັ້ນ ແລະ ນໍາໃຊ້ມາດຕະການຕ່າງໆ ເຊັ່ນ: ການຮົມຢາ

ເພື່ອຄວບຄຸມສັດຕູພືດ. ຫ້າມເອົາໃບຢາສູບ ທີ່ຜະລິດຈາກເຂດພື້ນທີ່ອື່ນ ພາຍໃນປະເທດ ຫຼື ຕ່າງປະເທດ

ບົນໃບຢາສູບ ທີ່ສົ່ງອອກ ໄປ ສປ ຈີນ.

 

5. ການຂຶ້ນທະບຽນ

ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ມີຈຸດປະສົງ ຂໍຂຶ້ນທະບຽນ ຫຼື ຂໍຕໍ່ໃບທະບຽນ ສວນປູກ, ໂຮງ

ເຮືອນຫຸ້ມຫໍ່ບັນຈຸ ແລະ ໂຮງອົບ ແມ່ນປະຕິບັດຕາມລະບຽບການຂອງກະຊວງກະສິກຳ ແລະ ປ່າໄມ້ ທີ່ປະກາດ

ໃຊ້ແຕ່ລະໄລຍະ ໂດຍຍື່ນຄຳຮ້ອງເຖິງກົມປູກຝັງ ເພື່ອພິຈາລະນາຄົ້ນຄວ້າ.

ຄຳຮ້ອງຂໍຂຶ້ນທະບຽນ ປະກອບມີ:

1) ໃບຄໍາຮ້ອງ ຕາມແບບພິມທີ່ກົມປູກຝັງກຳນົດ;

2) ສຳເນົາ ໃບອະນຸຍາດດໍາເນີນກິດຈະການກະສິກຳ ແລະ ປ່າໄມ້;

3) ສຳເນົາ ໃບຢັ້ງຢືນການມອບພັນທະອາກອນປະຈຳປີສຸດທ້າຍ;

4) ຄູ່ມືດຳເນີນງານ ກ່ຽວກັບ ການຈັດການດ້ານສຸຂານາໄມ ແລະ ສຸຂານາໄມພືດ;

5) ໃບມອບສິດ ແລະ ສຳເນົາບັດປະຈໍາຕົວຂອງຜູ້ຍື່ນເອກະສານ ໃນກໍລະນີ ໃຫ້ຜູ້ອື່ນຍື່ນຄໍາຮ້ອງແທນ.

ອາຍຸຂອງໃບທະບຽນນໍາໃຊ້ໄດ້ ຫນຶ່ງ ປີ ແລະ ສາມາດຂໍຕໍ່ໄດ້. ຜູ້ທີ່ໄດ້ຮັບຂຶ້ນທະບຽນ ແລະ ຮັບຮອງ ໃຫ້ເປັນຜູ້ສົ່ງອອກ ຈະຖືກເຜີຍແຜ່ ໃນເວັບໄຊ ຂອງອົງການບໍລິຫານ ພາສີ ແຫ່ງ ສປ ຈີນ ຊຶ່ງມີຂໍ້ມູນ ຊື່, ທີ່ຢູ່ ແລະ ເລກລະຫັດ.

6. ມາດຕະການ ສຸຂານາໄມພືດ ກ່ອນສົ່ງອອກ

ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ໄດ້ຮັບການຮັບຮອງໃຫ້ເປັນຜູ້ສົ່ງອອກ ຈາກອົງການບໍລິຫານພາສີ ແຫ່ງ ສປ ຈີນ ຕ້ອງປະຕິບັດ ດັ່ງນີ້:

1) ຕ້ອງຍື່ນຄໍາຮ້ອງ ຕາມແບບພິມທີ່ກົມປູກຝັງກໍານົດ ພ້ອມທັງຄັດຕິດເອກສານທີ່ກ່ຽວຂ້ອງ ເຖິງກົມປູກຝັງ ຫຼື ຂະແຫນງປູກຝັງຂັ້ນແຂວງ. ສໍາລັບ ເງື່ອນໄຂ, ຂັ້ນຕອນ ແລະ ວິທີການ ສະເຫນີຂໍໃບຢັ້ງຢືນສຸຂານາໄມພືດ ແມ່ນໃຫ້ປະຕິບັດ ຕາມບົດແນະນໍາ ຂອງກົມປູກຝັງ ເລກທີ 2880/ກປຝ, ລົງວັນທີ 11 ທັນວາ 2019;

2) ກໍລະນີ ກວດກາພົບສັດຕູພືດກັກກັນ ທີ່ກໍານົດໄວ້ໃນໂຣແມ໋ງ II ຂໍ້ທີ 2 ຂອງຄໍາແນະນໍາສະບັບນີ້ ແມ່ນ ຫ້າມສົ່ງອອກຊຸດສິນຄ້າດັ່ງກ່າວ ແລ້ວລາຍງານໃຫ້ກົມປູກຝັງ, ກະຊວງກະສິກໍາ ແລະ ປ່າໄມ້ ຊາບທັນທີ່ ເພື່ອໂຈະສະຖານທີ່ປະກອບການຜະລິດ ພ້ອມຊອກຫາວິທີແກ້ໄຂ;

3) ໃນກໍລະນີ ເຈົ້າຫນ້າທີ່ກັກກັນພືດທີ່ຮັບຜິດຊອບ ກວດກາບໍ່ພົບເຫັນການຕິດແປດສັດຕູພືດ ຕາມໂຣແມ໋ງ II ຂໍ້ທີ 2 ຂອງຄໍາແນະນໍາສະບັບນີ້ ຕ້ອງອອກໃບຢັ້ງຢືນສຸຂານາມພືດ ສໍາລັບ ຊຸດສິນຄ້ານັ້ນ ແລະ ຕ້ອງພິມຂໍ້ມູນເພີ່ມຕື່ມ (Additional Declare) ໃສ່ໃບຢັ້ງຢືນສຸຂານາໄມພືດ ວ່າ: "This consignment is in compliance with the Protocol of Phytosanitary Requirements for Export of Tobacco leaves from Laos to China, and free of soil and the quarantine pests of concern by China";. ໃນກໍລະນີໃບຢາສູບ ທີ່ສົ່ງອອກໄປ ສປປ ຈີນ ໄດ້ປຜ່ານການຮົມຢາແລ້ວ, ຕ້ອງລະບຸຂໍ້ມູນຄື: ປະເພດຢາຮົມ, ຄວາມເຂັ້ມຂຸ້ນ, ໄລຍະເວລາການຮົມ, ແລະ ອຸນຫະພູມ ໃສ່ໃນໃບຢັ້ງຢືນສຸຂານາໄມ່ພືດ;

4) ເຈົ້າຫນ້າທີ່ກັກກັນພືດທີ່ຮັບຜິດຊອບອອກໃບຢັ້ງຢືນສຸຂານາໄມພືດ ຕ້ອງລະບຸຂໍ້ມູນດ່ານນໍາເຂົ້າ ທີ່ກໍານົດໂດຍ ອົງການພາສີ ແຫ່ງ ສປ ຈີນ ໃນແຕ່ລະໄລຍະ.

7. ມາດຕະການກັກກັນພືດ ຢູ່ດ່ານຂາເຂົ້າ

ເມື່ອຊຸດສິນຄ້າໃບຢາສູບແຫ້ງ ຈາກ ສປປ ລາວ ມາເຖິງດ່ານຂາເຂົ້າ ຂອງ ສປ ຈີນ, ເຈົ້າຂອງຊຸດສິນຄ້າ ຕ້ອງ ແຈ້ງເອກະສານ ຕໍ່ເຈົ້າຫນ້າທີ່ກັກກັນພືດ ຂອງ ສປ ຈີນ ເພື່ອດໍາເນີນການກວດກາເອກະສານທີ່ກ່ຽວຂ້ອງ.

ການຂົນສົ່ງຊຸດສິນຄ້າທີ່ມາຈາກ ສະຖານທີ່ປະກອບການຜະລິດ ທີ່ບໍ່ໄດ້ຂຶ້ນທະບຽນ ແມ່ນ ຫ້າມນໍາເຂົ້າຢ່າງເດັດຂາດ.

ຖ້າກວດກາພົບສັດຕູພືດທີ່ໄດ້ກໍານົດໄວ້ໃນໂຣແມ໋ງ II, ຂໍ້ທີ 2 ຂອງຄໍາແນະນໍາສະບັບນີ້ ຊຸດສິນຄ້າດັ່ງກ່າວຈະ ຖືກສົ່ງກັບ, ທໍາລາຍ ຫຼື ນໍາໃຊ້ມາດຕະການທາງດ້ານກັກກັນ ແລະ ກໍາຈັດສັດຕູພືດ ທີ່ມີປະສິດທິພາບ. ຝ່າຍຈີນ ຈະແຈ້ງໃຫ້ຝ່າຍລາວ ຊາບທັນທີ ກ່ຽວກັບ ຊະນິດສັດຕູພືດ, ເລກທີໃບຢັ້ງຢືນສຸຂານາໄມພືດ ແລະ ຂໍ້ມູນຕ່າງໆທີ່ ກ່ຽວຂ້ອງ ພ້ອມທັງໂຈະການນໍາເຂົ້າ ໃບຢາສູບ ຈາກສວນປູກ ຫຼື ໂຮງເຮືອນຫຸ້ມຫໍ່ບັນຈຸ. ຜູ້ປະກອບການຕ້ອງ ຊອກຫາສາຍເຫດ ແລະ ນໍາໃຊ້ມາດຕະການທີ່ເຫມາະສົມ ເພື່ອປ້ອງກັນບໍ່ໃຫ້ເກີດຂຶ້ນອີກ.

ຖ້າກວດພົບໂລຫະໜັກ ຫຼື ສານພິດຕົກຄ້າງຢາປາບສັດຕູພືດເກີນຄ່າມາດຕະຖານ ທີ່ກໍານົດ ຊຸດສິນຄ້າດັ່ງກ່າວຈະຖືກສົ່ງກັບ ແລະ ທໍາລາຍຖິ້ມ ພ້ອມທັງ ແຈ້ງໃຫ້ຝ່າຍລາວຮັບຊາບທັນທີ ເຊັ່ນດຽວກັບກັບກວດ ພົບສັດຕູພືດ.

 

III ການຈັດຕັ້ງປະຕິບັດ

1. ໃຫ້ ພະແນກກັກກັນພືດ, ຂະແຫນງປູກຝັງ ເປັນເຈົ້າການ ປະສານສົມທົບກັບຂະແຫນງການອື່ນທີ່ກ່ຽວຂ້ອງ ໂຄສະນາເຜີຍແຜ່, ຕິດຕາມ ແລະ ກວດກາ ການຈັດຕັ້ງປະຕິບັດຄໍາແນະນໍາສະບັບນີ້ ໃຫ້ໄດ້ຮັບຜົນດີ; 

2. ໃຫ້ ພະແນກກັກພືດ ສົ່ງລາຍຊື່ ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ໄດ້ສະເຫນີສົ່ງອອກໃບຢາສູບ ໃຫ້ ສປ ຈີນ ພິຈາລະນາ ເປັນແຕ່ລະໄລຍະ ໂດຍປະສານສົມທົບກັບ ຂະແຫນງປູກຝັງ ແລະ ສາຍຕັ້ງຂອງຕົນ ເພື່ອກວດກາ ແລະ ປະເມີນຄວາມສ່ຽງສັດຕູພືດ ຂອງສະຖານທີ່ປະກອບການຜະລິດ ໃນແຕ່ລະຊ່ວງລະດູການຜະລິດ;

3. ໃຫ້ ພະແນກກັກກັນພືດ ເປັນໃຈກາງປະສານສົມທົບກັບ ຂະແຫນງປູກຝັງ ແລະ ສາຍຕັ້ງຂອງຕົນ ສະຫຼຸບລາຍ ງານ ກ່ຽວກັບ ການສົ່ງອອກ ໃຍຢາສູບ ຈາກ ສປປ ລາວ ໄປ ສປ ຈີນ ໃຫ້ກົມປູກຝັງ ຊາບ ເປັນແຕ່ລະໄລຍະ;

4. ໃຫ້ ເຈົ້າຫນ້າທີ່ກັກກັນພືດ ເຂັ້ມງວດໃນການກວດກາ ແລະ ຢັ້ງຢືນ ການສົ່ງອອກໃບຢາສູບ ຕາມຫຼັກວິຊາການ;

5. ໃນການຈັດຕັ້ງປະຕິບັດຕົວຈິງ ມີຂໍ້ສະດວກ, ຂໍ້ຫຍຸ້ງຍາກແນວໃດ ໃຫ້ຮີບຮ້ອນລາຍງານ ກົມປູກຝັງ ຕາມຂັ້ນ ຕອນ ເພື່ອພິຈາລະນາ ຫາວິທີແກ້ໄຂຢ່າງທັນການ.

 

         ຄໍາແນະນໍາສະບັບນີ້ ມີຜົນສັກສິດ ນັບແຕ່ວັນລົງລາຍເຊັນເປັນຕົ້ນໄປ.

 

 

 

#	ຫົວຂໍ້	ດາວໂຫຼດ
1	Instructions on plant conditions for exporting tobacco leaves from Laos to China, No. 2804/DA, date 09 August 2023.	PDF
2	ຄໍາແນະນໍາ ກ່ຽວກັບ ເງື່ອນໄຂສຸຂານາໄມພືດ ສໍາລັບການສົ່ງອອກ ໃບຢາສູບ ຈາກ ສປປ ລາວ ໄປ ສປ ຈີນ, ເລກທີ 2804/ກປຝ, ລົງວັນທີ 09 ສິງຫາ 2023.	PDF