ຫ້ອງການ ກະຊວງເຕັກໂນໂລຊີ ແລະ ການສື່ສານ ໄດ້ອອກແຈ້ງການ ຂື້ນທະບຽນການນໍາໃຊ້ຄື້ນຄວາມຖີ່ວິທະຍຸກະຈາຍສຽງລະບົບ Short Wave, AM, FM, ໂທລະພາບ ອານາລັອກ (Analogue) ແລະ ໂທລະພາບ ດີຈີຕອນ (Digital), ເລກທີ 356/ຫກຊ.ກຄຖ, ລົງວັນທີ 29 ມິຖຸນາ 2021. ແຈ້ງເຖິງ ບຸກຄົນ, ນິຕິບຸກຄົນ, ຫົວໜ່ວຍທຸລະກິດ ຫຼື ການຈັດຕັ້ງ ທັງພາຍໃນ ແລະ ຕ່າງປະເທດ ເພື່ອຊາບ ທີ່ນໍາໃຊ້ຄື້ນຄວາມຖີ່ວິທະຍຸກະຈາຍສຽງລະບົບ Short Wave, AM, FM, ໂທລະພາບ ອານາລອ໋ກ (Analogue) ແລະ ໂທລະພາບ ດີຈີຕອນ (Digital). ພາຍໃນໄລຍະເວລາ 03 ເດືອນ ນັບແຕ່ມື້ອອກແຈ້ງການສະບັບນີ້.
ຖ້າມີສະຖານີຕັ້ງຢູ່ຕ່າງແຂວງ ແມ່ນສາມາດພົວພັນພະແນກເຕັກໂນໂລຊີ ແລະ ການສື່ສານ ຂອງແຂວງຕົນ ເພື່ອອໍານວຍຄວາມສະດວກໃນການປະສານງານຂໍຂື້ນທະບຽນນໍາກົມຄື້ນຄວາມຖີ່, ກະຊວງເຕັກໂນໂລຊີ ແລະ ການສື່ສານ
ຖ້າບໍ່ມາຂື້ນທະບຽນ ເວລາກວດພົບເຫັນຈະຖືກກ່າວເຕືອນ, ປັບໄໝ ຕາມກໍລະນີໜັກ ຫຼື ເບົາ ດັ່ງທີ່ໄດ້ລະບຸໄວ້ໃນໝວດທີ 13 ຂອງກົດໝາຍ ວ່າດ້ວຍຄື້ນຄວາມຖີ່ວິທະຍສື່ສານ ສະບັບເລກທີ 17/ສພຊ, ລົງວັນທີ 05 ພືດສະພາ 2017.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.