ລັດຖະບານໄດ້ອອກດໍາລັດວ່າດ້ວຍກຸ່ມ ແລະ ສະຫະກອນສະບັບເລກທີ606/ລບ, ລົງວັນທີ 26 ພະຈິກ 2020 ເພື່ອສົ່ງເສີມ ແລະ ພັດທະນາການຜະລິດ, ການບໍລິການ ແລະ ການດໍາເນີນທຸລະກິດ ໃຫ້ເຕີບໃຫ່ຍຂະຫຍາຍຕົວ ແລະ ໝັ້ນຄົງ ແນ່ໃສ່ ແກ້ໄຂຄວາມທຸກຍາກ ແລະ ຍົກລະດັບຊີວິດການເປັນຢູ່ ຂອງປະຊາຊົນລາວບັນດາເຜົ່າໃຫ້ດີຂຶ້ນ.
ຜູ້ທີມີຈຸດປະສົງ ສ້າງຕັ້ງກຸ່ມໃນຂະແໜງໃດໜຶ່ງ ໃຫ້ຍື່ນຄໍາຮ້ອງ ແລະ ເອກະສານປະກອບທີ່ກ່ຽວຂ້ອງ ຂະແໜງກະສິກໍາ ແລະ ປ່າໄມ້ຂັ້ນເມືອງ ຫຼື ພະແນກການທີ່ກ່ຽວຂ້ອງຂັ້ນແຂວງ ໃນກໍລະນີມີຫ້ອງການຢູ່ຂັ້ນເມືອງ ບ່ອນກຸ່ມຈະຕັ້ງຢູ່ ໂດຍປະກອບເອກະສານດັ່ງນີ້:
- ຄໍາຮ້ອງຂໍສ້າງຕັ້ງກຸ່ມ ຕາມແບບພິມ ທີ່ຂະແໜງການກ່ຽວຂ້ອງກໍານົດ
- ບັນຊີລາຍຊື່ສະມາຊິກຂອງກຸ່ມ ແລະ ຊີວະປະຫວັດຄະນະບໍລິຫານ
- ບົດບັນທຶກກອງປະຊຸມສ້າງຕັ້ງກຸ່ມ
- ກົດລະບຽບຂອງກຸ່ມ
- ໂຄງຮ່າງການຈັດຕັ້ງຂອງກຸ່ມ
- ແຜນດໍາເນີນງານຂອງກຸ່ມ.
ຜູ້ທີ່ມີຈຸດປະສົງ ສ້າງຕັ້ງສະຫະກອນ ຕ້ອງຍື່ນຄໍາຮ້ອງ ແລະ ເອກະສານ ນໍາຂະແໜງການກະສິກໍາ ແລະ ປ່າໄມ້ ຕາມປະເພດສະຫະກອນ ດັ່ງນີ້:
- ຄໍາຮ້ອງຂໍສ້າງຕັ້ງສະຫະກອນ ຕາມແບບພິມ ທີ່ຂະແໜງການກ່ຽວຂ້ອງກໍານົດ
- ແຜນດໍາເນີນທຸລະກິດຂອງສະຫະກອນ
- ບັນຊີລາຍຊື່ສະມາຊິກ ພ້ອມດ້ວຍລາຍເຊັນຂອງແຕ່ລະຄົນ, ຈໍານວນຫຸ້ນ ແລະ ທຶນຈົດທະບຽນຂອງສະຫະກອນ
- ໃບຢັ້ງຢືນທີ່ຕ້ອງຫ້ອງການຂອງສະຫະກອນ
- ກົດລະບຽບຂອງສະຫະກອນ.
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.