ກະຊວງອຸດສາຫະກໍາ ແລະ ການຄ້າ ໄດ້ອອກຂໍ້ຕົກລົງວ່າດ້ວຍການຂຶ້ນທະບຽນບັນຊີເຄມີ, ການນໍາເຂົ້າ, ສົ່ງອອກ ແລະ ສົ່ງຜ່ານເຄມີສະບັບເລກທີ 1204/ອຄ. ກອຫ, ລົງວັນທີ 24 ທັນວາ 2020 ເພື່ອໃຫ້ບຸກຄົນ, ນິຕິບຸກຄົນ ຫຼື ການຈັດຕັ້ງ ທັງພາຍໃນ ແລະ ຕ່າງປະເທດ ທີ່ດໍາເນີນທຸລະກິດກ່ຽວກັບເຄມີໃນ ສປປ ລາວ ທີີມີຈຸດປະສ່ົງຂໍຂຶ້ນທະບຽນບັນຊີເຄມີ ຕ້ອງປະກອບເອກະສານຍື່ນຕໍ່ ກົມອຸດສາຫະກໍາ ແລະ ຫັດຖະກໍາ ໂດຍກົງ ຫຼື ຜ່ນທະບົບເອເລັກໂຕຣນິກ ໂດຍມີເອກະສານປະກອບ ດັ່ງນີ້:
- ໜັງສືສະເໜີຂຶ້ນທະບຽນບັນຊີເຄມີ ຕາມແບບພິມ ທີ່ກົມອຸດສາຫະກໍາ ແລະ ຫັດຖະກໍາ ໄດ້ກໍານົດ
- ບົດປະເມີນຄວາມສ່ຽງເຄມີ ຕາມແບບພິມທີ່ກົມອຸດສາຫະກໍາ ແລະ ຫັດຖະກໍາ ໄດ້ກໍານົດ
- ເອກະສານຂໍ້ມູນຄວາມປອດໄພເຄມີຂອງຜູ້ຜະລິດ ເປັນພາສາລາວ ຫຼື ພາສາອັງກິດ
- ສໍາເນົາໃບທະບຽນວິສາຫະກິດຈາກຜູ້ຜະລິດ ຫຼື ຫ້ອງວິໄຈທີ່ໄດ້ຮັບອະນຸຍາດຖືກຕ້ອງເປັນພາສາລາວ ຫຼື ພາສາອັງກິດ ໃນກໍລະນີເປັນທາດປະສົມ.
ພາຍຫຼັງຂຶ້ນທະບຽນແລ້ວຕ້ອງການນໍາເຂົ້າ ແລະ ສົ່ງອອກເຄມີອັນຕະລາຍປະເພດສອງ ແລະ ສາມ ໃຫ້ປະກອບເອກະສານ ຍື່ນຕໍ່ກົມອຸດສາຫະກໍາ ແລະ ຫັດຖະກໍາ ເພື່ອຂໍອະນຸຍາດນໍາເຂົ້າ ຫຼື ສົ່ງອອກ ໂດຍມີເອກະສານ ດັ່ງນີ້:
- ໜັງສືສະເໜີຂໍອະນຸຍາດນໍາເຂົ້າ ຫຼື ສົ່ງອອກເຄມີ ອັນຕະລາຍ ປະເພດສອງ ແລະ ສາມ ຕາມແບບພິມ ທີ່ກົມອຸດສາຫະກໍາ ແລະ ຫັດຖະກໍາ ໄດ້ກໍານົດ
- ສໍາເນົາໃບອະບຽນວິສາຫະກິດ, ໃບອະນຸຍາດດໍາເນີນທຸລະກິດ ແລະ ໃບອະນຸຍາດລົງທຶນ
- ສໍາເນົາໃບທະບຽນບັນຊີເຄມີ
- ໃບແຈ້ງລາຄາ ແລະ ໃບສັ່ງຊື້ສິນຄ້າ
- ສໍາເນົາແຜນຄວາມຕ້ອງການປະຈໍາປີ ສໍາລັບການນໍາເຂົ້າ, ແຜນຜະລິດ ແລະ ຈໍາໜ່າຍປະຈໍາປີສໍາລັບການສົ່ງອອກ
- ສັນຍາຊື້ຂາຍລະຫວ່າງ ຜູ້ນໍາເຂົ້າ ແລະ ຜູ້ນໍາໃຊ້ພາຍໃນ ໃນກໍລະນີນໍາເຂົ້າເພື່ອສະໜອງໂດຍກົງໃຫ້ກັບຜູ້ອື່ນ
- ໃບອະນຸຍາດນໍາເຂົ້າຈາກປະເທດປາຍທາງ ໃນກໍລະນີສົ່ງອອກເຄມີອັນຕະລາຍປະເພດສອງ ແລະ ສາມຈາກ ສປປ ລາວ ໄປປະເທດອື່ນ.
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.