ອີງຕາມບົດແນະນໍາ ກ່ຽວກັບການດໍາເນີນກິດຈະການໂຮງງານປຸງແຕ່ງ ສິ່ງເສດເຫຼືອຢາງປລາສະຕິກ, ເລກທີ 0682/ອຄ.ກອຫ, ລົງວັນທີ 17 ກໍລະກົດ 2020. ການຂໍອະນຸຍາດນໍາເຂົ້າສິ່ງເສດເຫຼືອຢາງປລາສະຕິກໃຫ້ຢື່ນໜັງສືສະເໜີຂໍນໍາເຂົ້າເປັນແຕ່ລະກໍລະນີ ເຖິງກົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ ລາຍລະອຽດຄວນປະກອບເອກະສານດັ່ງນີ້:
- ແຜນການເຄື່ອນໄຫວປະຈໍາປີ;
- ໃບສັ່ງຊື້ສິນຄ້າ,
- ໃບສະເໜີລາຄາ,
- ໃບຢັ້ງຢືນຄວາມສະອາດຂອງສິ່ງເສດເຫຼືອຢາງປລາສະຕິກຈາກເຈົ້າໜ້າທີ່ພາກລັດ ຫຼື ອົງກອນໃດໜຶ່ງທີ່ກ່ຽວຂ້ອງຂອງປະເທດຕົ້ນທາງ;
- ຮູບຖ່າຍສິ່ງເສດເຫຼືອຢາງປລາສະຕິກທີ່ຈະນໍາເຂົ້າ;
- ໃບມອບສິດຜູ້ມາພົວພັນເອກະສານ;
- ສໍາເນົາທະບຽນວິສາຫະກິດ;
- ສໍາເນົາໃບຢັ້ງຢືນດ້ານສິ່ງແວດລ້ອມໂຮງງານ;
- ສໍາເນົາໃບຢັ້ງຢືນດໍາເນີນກິດຈະການໂຮງງານ;
- ສໍາເນົາໃບມອບພັນທະພາສີ, ອາກອນ ແລະ ພັນທະອື່ນໆ.
ສິ່ງທີ່ເອົາໃຈໃສ່ກ່ຽວກັບໃບຢັ້ງຢືນການນໍາເຂົ້າສິ່ງເສດເຫຼືອຢາງປລາສະຕິກ:
- ການນໍາເຂົ້າວັດຖຸດິບສິ່ງເສດເຫຼືອຢາງປລາສະຕິກ ໃຫ້ນໍາເຂົ້າຜ່ານດ່ານສາກົນ ທີ່ໃກ້ໂຮງງານ;
- ການພິຈາລະນາອອກໃບຢັ້ງຢືນການນໍາເຂົ້າ ໃຫ້ກົມອຸດສາຫະກໍາ ແລະ ຫັດຖະກໍາ ພິຈາລະນາຕາມແຜນການນໍາເຂົ້າປະຈໍາປີ ທີ່ໄດ້ຜ່ານການຢັ້ງຢືນແລ້ວເປັນແຕ່ລະຄັ້ງ ໂດຍອີງໃສ່ຄວາມສາມາດຜະລິດຕົວຈີງຂອງໂຮງງານ;
- ໃບຢັ້ງຢືນການນໍາເຂົ້າມີອາຍຸການນໍາໃຊ້ໄດ້ພາຍໃນ 180 ວັນ ນັບແຕ່ມື້ອອກໃບຢັ້ງຢືນ. ໃບຢັ້ງຢືນການນໍາເຂົ້າສາມາດຕໍ່ໄດ້ໜຶ່ງຄັ້ງແຕ່ບໍ່ເກີນ 90 ວັນ.
- ໃຫ້ຜູ້ດໍາເນີນກິດຈະການໂຮງງານປຸງແຕ່ງສິ່ງເສດເຫຼືອຢາງປລາສະຕິກ ຍື່ນໃບຢັ້ງຢືນການນໍາເຂົ້າ ຕໍ່ເຈົ້າໜ້າທີ່ພາສີປະຈໍາດ່ານສາກົນ ເພື່ອຕິດຕາມ ແລະ ກວດກາ ການນໍາເຂົ້າຕົວຈີງ.
ລາຍລະອຽດຕິດຕໍ່ພົວພັນ: ກົມອຸດສາຫະກໍາ ແລະ ຫັດຖະກໍາ, ກະຊວງອຸດສາຫະກໍາ ແລະ ການຄ້າ. ເບີໂທ (856) 21 451 930
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.