ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

ກະຊວງການເງິນ

ກົມຄຸ້ມຄອງຊັບສິນຂອງລັດ      ເລກທີ 1088/ຄຊລ

ນະຄອນຫລວງວຽງຈັນ, ວັນທີ 22 ພຶດສະພພາ 2020

ແຈ້ງການ

ເຖິງ: ທ່ານ ຫົວໜ້າພະແນກການເງິນ ປະຈໍາແຂວງ, ນະຄອນຫຼວງ ທີ່ນັບຖື,

- ຫົວໜ້າຂະແໜງຄຸ້ມຄອງຊັບສິນຂອງລັດ ປະຈໍາແຂວງ, ນະຄອນຫຼວງ ທີ່ນັບຖື.

ເລື່ອງ: ການຈັດຕັ້ງປະຕິບັດ ວິທີຄິດໄລ່ ອັດຕາຈົດທະບຽນເອກະສານ ສັນຍາຊື້-ຂາຍ ປະເພດສິນຄ້າຕ່າງໆ ທີ່ນໍາເຂົ້າ ແລະ ສົ່ງອອກ ຢູ່ບັນດາສາງປ່ຽນຖ່າຍສີນຄ້າ.

• ອີງຕາມ ກົດໝາຍ ວ່າດ້ວຍຊັບສິນຂອງລັດ (ສະບັບປັບປຸງ) ເລກທີ 14/ສພຊ ລົງວັນທີ 5 ກໍລະກົດ 2012;
• ອີງຕາມ ລັດຖະບັນຍັດ ຂອງປະທານປະເທດ ວ່າດ້ວຍຄ່າທໍານຽມ ແລະ ຄ່າບໍລິການ (ສະບັບປັບປຸງ ສະບັບເລກທີ 003/ປປທ, ລົງວັນທີ 26/12/2012).
• ອີງຕາມ ການສະໃຫ້ຄົ້ນຄ້ວາຂອງກົມຄຸ້ມຄອງຊັບສິນຂອງລັດ ຄັ້ງວັນທີ 21/05/2020.

    ກົມຄຸ້ມຄອງຊັບສິນຂອງລັດ ກະຊວງການເງິນ ຂໍຖືເປັນກຽດແຈ້ງມາຍັງທ່ານ ຊາບວ່າການຈັດຕັ້ງປະຕິບັດ ວິທີຄິດໄລ່ ອັດຕາຈົດທະບຽນເອກະສານ ສັນຍາຊື້-ຂາຍ ປະເພດສິນຄ້າຕ່າງໆ, ສັນຍາການຄ້າຕ່າງໆ ທີ່ນໍາເຂົ້າ ແລະ ສົ່ງອອກ ຢູ່ບັນດາສາງປ່ຽນຖ່າຍສິນຄ້າ ເພື່ອໃຫ້ມີຄວາມເປັນເອກະພາບຖືກຕ້ອງຕາມກົດໝາຍ ແລະ ລະບຽບການ, ສາມາດເກັບລາຍຮັບເຂົ້າງົບປະມານໄດ້ຄົບຖ້ວນ ໄດ້ຮັບການຈັດຕັ້ງປະຕິບັດໄດ້ເປັນຢ່າງດີ, ມີລາຍລະອຽດດັ່ງນີ້:

1. ໃຫ້ບັນດາ ແຂວງ, ນະຄອນຫຼວງ ຂະແໜງຄຸ້ມຄອງຊັບສິນຂອງລັດ ທີ່ມີຈຸດບໍລິການ ຈົດທະບຽນສັນຍາຊື້-ຂາຍ ປະເພດສິນຄ້າຕ່າງໆ ແລະ ສັນຍາການຄ້າຕ່າງໆ ທີ່ນໍາເຂົ້າ ແລະ ສົ່ງອອກ ຢູ່ບັນດາສາງປ່ຽນຖ່າຍສິນຄ້າ ໃຫ້ຈັດຕັ້ງປະຕິບັດ ວິທີຄິດໄລ່ ອັດຕາຈົດທະບຽນເອກະສານ, ນໍາໃຊ້ອັດຕາຄິດໄລ່ແບບເດັດຖານຕາມມູນຄ່າຊັບ, ເຊິ່ງໄດ້ກໍານົດໄວ້ໃນມາດຕາ 06 ຂໍ້ທີ 06 ຂອງລັດຖະບັນຍັດປະທານປະເທດ ວ່າດ້ວຍຄ່າທໍານຽມ ແລະ ຄ່າບໍລິການ (ສະບັບປັບປຸງ) ສະບັບເລກທີ 003/ປປທ, ລົງວັນທີ 26 ທັນວາ 2012 ວັກທີ 03.

2. ວິທີຄິດໄລ່ດັ່ງນີ້: 

   ດັ່ງນັ້ນ, ຈຶ່ງແຈ້ງການມາຍັງທ່ານເພື່ອປະຕິບັດແຈ້ງການສະບັບນີ້ ຢ່າງເຂັ້ມງວດ.

ຫົວໜ້າກົມຄຸ້ມຄອງຊັບສິນຂອງລັດ

ກະເສີມສີ ພົມມະວົງສາ

#	ຫົວຂໍ້	ດາວໂຫຼດ
1	Notification on the methods for selling-purchasing registration fee when import and export goods at all warehouses, No. 1088 /DSPM, dated 22 May 2020.	PDF
2	ແຈ້ງການ ກ່ຽວກັບການຈັດຕັ້ງປະຕິບັດ ວິທີຄິດໄລ່ ອັດຕາຈົດທະບຽນເອກະສານ ສັນຍາຊື້-ຂາຍ ປະເພດສີນຄ້າຕ່າງໆ ທີ່ນໍາເຂົ້າ ແລະ ສົ່ງອອກ ຢູ່ບັນດາສາງປ່ຽນຖ່າຍສີນຄ້າ, ເລກທີ 1088/ຄຊລ, ລົງວັນທີ 22 ພຶດສະພາ 2020.	PDF

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close