ສາທາລະນະລັດ ປະຊາທິປະໄຕ ປະຊາຊົນລາວ​
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງ​ການເງິນ
ກົມພາສີ      ເລກທີ 01446/ກພສ ​
ນະຄອນຫຼວງ​ວຽງຈັນ, ວັນທີ 13 ມີນາ 2020

ຂໍ້ຕົກລົງ

ວ່າດ້ວຍການມອບສິດໃນການອະນຸຍາດ ໃຫ້ນຳສິນຄ້າ, ເຄື່ອງຂອງ ອອກຈາກສາງ ຫຼື ດ່ານພາສີ ກ່ອນການແຈ້ງພາສີເປັນລາຍລະອຽດ

  • ອີງຕາມ ກົດໝາຍວ່າດ້ວຍພາສີ ສະບັບປັບປຸງ ເລກທີ 04/ສພຊ, ລົງວັນທີ 20 ທັນວາ 2011 ແລະ ສະບັບປັບປຸງບາງມາດຕາ ເລກທີ 57/ສພຊ,​ ລົງວັນທີ 24 ທນັວາ 2014.
  • ອີງຕາມ ຄຳສັ່ງຂອງທ່ານນາຍົກລັດຖະມົນຕີ ສະບັບເລກທີ 02/ນຍ, ລົງວັນທີ 01 ກຸມພາ 2018 ວ່າດ້ວຍການປັບປຸງບັນດາລະບຽບການ ແລະ ກົນໄກປະສານງານໃນການດຳເນີນທຸລະກິດຢູ່ ສປປ ລາວ.
  • ອີງຕາມ ບົດແນະນຳຂອງຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ຂັ້ນສູນກາງ ສະບັບເລກທີ 01/ຄລທ.ສ, ລົງວັນທີ 02 ມັງກອນ 2019 ວ່າດ້ວຍການໃຫ້ນະໂຍບາຍດ້ານພາສີ ແລະ ອາກອນມູນຄ່າເພີ່ມ ສຳລັບແຜນນຳເຂົ້າຂອງວິສາຫະກິດ.
  • ອີງຕາມ ການຕົກລົງເຫັນດີເປັນເອກະພາບຂອງຄະນະກົມພາສີ ຄັ້ງວັນທີ 18 ກຸມພາ 2020.

ກົມພາສີ ຕົກລົງ:

ມາດຕາ 01: ມອບສິດໃຫ້ຫົວໜ້າດ່ານພາສີສາກົນ ພິຈາລະນາອະນຸຍາດອອກໃບແຈ້ງພາສີຄ້ຳປະກັນ (IM8) ດັ່ງນີ້:

  1. ການນຳເຂົ້າ ວັດຖຸດິບ, ວັດຖຸອຸປະກອນ ແລະ ອື່ນໆ ມາຮັບໃຊ້ການຜະລິດ ເປັນອັນຮີບດ່ວນ ຂອງບັນດາວິສາຫະກິດລົງທຶນ ທີ່ໄດ້ມີໜັງສືຢັ້ງຢືນຈາກຂະແໜງແຜນການ ແລະ ການລົງທຶນ ຂັ້ນສູນກາງ ຫຼື ທ້ອງຖິ່ນ.
  2. ການນຳເຂົ້າ ເຄື່ອງອຸປະກອນຮັບໃຊ້ທາງການແພດ ເປັນຕົ້ນ ວັກແຊັງ, ນ້ຳຢາວິເຄາະ ແລະ ເຄື່ອງມືການແພດ.
  3. ການນຳເຂົ້າ ເຄື່ອງອຸປະໂພກ-ບໍລິໂພກ, ວັດຖຸອຸປະກອນ, ເຄື່ອງມືຮັບໃຊ້ໃນໄລຍະສຸກເສີນ ທີ່ເກີດໄພພິບັດ.
  4. ການນຳເຂົ້າ ສັດມີຊີວິດ, ສິນຄ້າບູດເນົ່າໄວ ແລະ ສິນຄ້າທີ່ເກັບໃນອຸນນະພູມສະເພາະ.

ມາດຕາ 02: ມອບສິດໃຫ້ຫົວໜ້າກອງຄຸ້ມຄອງພາສີ ພິຈາລະນາອະນຸຍາດໃຫ້ດ່ານພາສີສາກົນ ອອກໃບແຈ້ງພາສີຄ້ຳປະກັນ (IM8) ດັ່ງນີ້:

  1. ການນຳເຂົ້າ ສິນຄ້າ, ເຄື່ອງຂອງ ທີ່ນຳເຂົ້າມາ ເພື່ອງານວາງສະແດງ ແລະ ຈຳໜ່າຍສິນຄ້າ.
  2. ການນຳເຂົ້າວັດຖຸອຸປະກອນ, ເຄື່ອງມືສ້ອມແປງ ແລະ ການສຳຫຼວດອອກແບບ.

ມາດຕາ 03: ການນຳເຂົ້າສິນຄ້າ, ເຄື່ອງຂອງ ທີ່ບໍ່ນອນໃນມາດຕາ 1 ແລະ 2 ແມ່ນກົມພາສີເປັນຜູ້ພິຈາລະນາອະນຸມັດ ຕາມກົດໝາຍ ແລະ ລະບຽບການ.

ມາດຕາ 04: ການອະນຸຍາດໃຫ້ສິນຄ້າ, ເຄື່ອງຂອງ ອອກຈາກສາງ ຫຼື ດ່ານພາສີບ່ອນນຳເຂົ້າ ຕາມມາດຕາ 1 ແລະ 2 ຂ້າງເທິງ ຕ້ອງມີການອະນຸຍາດ ຫຼື ຢັ້ງຢືນ ຂອງຂະແໜງການລັດກ່ຽວຂ້ອງ ແລະ ປະຕິບັດຕາມມາດຕາ 27 ຂອງກົດໝາຍພາສີ ສະບັບເລກທີ 04/ສພຊ, ລົງວັນທີ 20 ທັນວາ 2011. ໂດຍໃຫ້ດ່ານພາສີບ່ອນນຳເຂົ້າ ເປັນເຈົ້າການເລັ່ງທວງການຊຳລະສະສາງ ພາຍໃນເວລາ ທີ່ກົດໝາຍ ແລະ ລະບຽບການກ່ຽວຂ້ອງກຳນົດ, ພ້ອມທັງສະຫຼຸບສັງລວມລາຍງານ ໃຫ້ກອງຄຸ້ມຄອງພາສີ ແລະ ກົມພາສີ ເປັນແຕ່ລະເດືອນ.

ມາດຕາ 05: ມອບໃຫ້ພະແນກອ້ອມຂ້າງກົມພາສີ, ກອງຄຸ້ມຄອງພາສີ, ດ່ານພາສີຊາຍແດນສາກົນໃນຂອບເຂດທົ່ວປະເທດ ພ້ອມກັນຈັດຕັ້ງປະຕິບັດຕາມຂໍ້ຕົກລົງສະບັບນີ້ຢ່າງເຂັ້ມງວດ, ໃນການຈັດຕັ້ງປະຕິບັດຕົວຈິງຫາກພົບຂໍ້ຫຍຸ້ງຍາກ ໃຫ້ລາຍງານ ກົມພາສີ ເພື່ອຂໍທິດຊີ້ນຳໃນການແກ້ໄຂ ບົນພື້ນຖານກົດໝາຍ ແລະ ລະບຽບການ.

ມາດຕາ 06: ຂໍ້ຕົກລົງສະບັບນີ້ ມີຜົນສັກສິດນັບແຕ່ວັນລົງລາຍເຊັນເປັນຕົ້ນໄປ, ບັນດານິຕິກຳອື່ນໆ ທີ່ກົມພາສີໄດ້ອອກຜ່ານມາ ຫາກຂັດກັບຂໍ້ຕົກລົງສະບັບນີ້ ລ້ວນແຕ່ຖືກລົບລ້າງ.

ຮັກສາການຫົວໜ້າກົມພາສີ

ບຸນປະເສີດ ສີກຸນລະບຸດ

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.
ຖ້າທ່ານມີຄໍາແນະນໍາ/ຂໍ້ສະເໜີ ຕໍ່ ຮ່າງ ນິຕິກໍາ ເພື່ອຊ່ວຍອໍານວຍຄວາມສະດວກໃນການດໍາເນີນທຸລະກິດນໍາເຂົົ້າ ເເລະ ສົ່ງອອກ ຂອງ ທ່ານ, ກະລຸນາດໍາເນີນການຕື່ມແບບຟອມນີ້.

ຂົງເຂດການດໍາເນີນທຸລະກິດ
 
ສາມາດໃຫ້ຂໍ້ມູນສະເພາະ ກ່ຽວກັບ ນິຕິກໍາດັ່ງກ່າວ ທີ່ເປັນອຸປະສັກ ຫຼື ສິ່ງທ້າທາຍໃນການດໍາເນີນທຸລະກິດຂອງທ່ານ.

ຕົວຢ່າງ: ມາດຕາ 8 ຂອງ (ຮ່າງ) ຂໍ້ຕົກລົງ ວ່າດ້ວຍການນໍາເຂົ້ານໍ້າມັນເຊື້ອໄຟແລະ ນໍ້າມັນຫຼໍ່ລື່ນ, ເລກທີ.........../ອຄ, ວັນທີ........... ມີນາ 2025. (300 ຄໍາ)

ຜົນກະທົບຂອງນິຕິກໍາດັ່ງກ່າວ ຕໍ່ການທຸລະກິດຂອງທ່ານແມ່ນຫຍັງ?

ຕົວຢ່າງ: ຂ້ອຍໄດ້ໃຊ້ເວລາຢ່າງໜ້ອຍສອງເດືອນໃນຂັ້ນຕອນຜ່ານແຜນການນໍາເຂົ້າປະຈໍາປີ (Master List) ຂອງບັນດາຂະເເໜງການຂອງລັດ ທີ່ເຫັນວ່າມີຫຼາຍພາກສ່ວນ, ຄ່າໃຊ້ຈ່າຍສູງ ຫຼື ໃຊ້ເວລາດົນ ເກີນໄປ. (300 ຄໍາ)

ຂໍ້ສະເໜີ ເພື່ອປັບປຸງນິຕິກໍາດັ່ງກ່າວ ທີ່ສາມາດຊ່ວຍແກ້ໄຂສິ່ງທ້າທາຍຂອງ ທ່ານ?

ຕົວຢ່າງ: ຂໍ້ກໍານົດສໍາລັບໄລຍະເວລາໃນການອະນຸມັດ/ຮັບຮອງເເຜນ Master List ໃຫ້ສັ້ນເຂົ້າ. (300 ຄໍາ)

ຜ່ານມາທ່ານສະເໜີຄໍາເເນະນໍານີ້ ຫາອົງການຂອງລັດຖະບານໃດບໍ່?
ຂໍ້ມູນຕິດຕໍ່
ທ່ານ ຕ້ອງການໃຫ້ພວກເຮົາເປີດເຜີຍຄໍາເຫັນຂອງທ່ານຕໍ່ສາທາລະນະ ຫຼື ບໍ່?