ອີງຕາມ ແຈ້ງການ ປິດບັນດາດ່ານເຂົ້າ - ອອກປະເທດຊົ່ວຄາວ ຈໍານວນ 10 ດ່ານ ເພື່ອປ້ອງກັນ ແລະ ສະກັດກັ້ນ ເຊື້ອພະຍາດ ໂຄວິດ - 19, ເລກທີ 139/ຫວຂ.ຫພ, ລົງວັນທີ 12 ມີນາ 2020 ແມ່ນໄດ້ອອກລາຍຊື່ ບັນດາດ່ານປະເພນີ 10 ດ່ານທີ່ຕ້ອງໄດ້ປິດຊົ່ວຄາວຄື:
1. ດ່ານນໍ້າໄຕ, ເມືອງຊໍາໄຕ້ - ດ່ານເມືອງຜູ່, ເມືອງເກ້ຟອງ, ແຂວງເງ້ອານ, ສສ ຫວຽດນາມ;
2. ດ່ານທ່າເລົ້າ, ເມືອງຊໍາໃຕ້ - ດ່ານ ຈອມແຄ້ວ, ເມືອງເທືອງຊວນ, ແຂວງແທ໋ງຮວ້າ, ສສ ຫວຽດນາມ ;
3. ດ່ານເມືອງເກີນ, ເມືອງຊໍາໃຕ້ - ເມືອງລ້າງແຈ້ງ ແຂວງແທ໋ງຮວ້າ, ສສ ຫວຽດນາມ;
4. ດ່ານພຽງເຜືອ, ເມືອງຊໍາໃຕ້ - ດ່ານ ບ້ານຂາມ, ເມືອງກວານເຊີນ, ແຂວງແທ໋ງຮວ້າ, ສສ ຫວຽດນາມ;
5. ດ່ານມອງນໍ້າ, ເມືອງຊຽງຄໍ້ - ດ່ານ ປ່າຂົມ, ເມືອງອຽນເຈົາ, ແຂວງເຊີນລາ ສສ ຫວຽດນາມ;
6. ດ່ານນາຄ້າງ, ເມືອງຊຽງຄໍ້ - ດ່ານ ແກ່ວມ່ວງ, ເມືອງອຽນເຈົາ, ແຂວງເຊີນລາ ສສ ຫວຽດນາມ;
7. ດ່ານສົບດຸ້ງ, ເມືອງຊຽງຄໍ້ - ດ່ານ ນາກາຍ, ເມືອງອຽນເຈົາ, ແຂວງເຊີນລາ ສສ ຫວຽດນາມ;
8. ດ່ານເປົ້າ, ເມືອງວຽງໄຊ;
9. ດ່ານຍອດຕີ້ວ, ເມືອງວຽງທອງ - ດ່ານ ແລ້ງແບ່ງ, ເມືອງສົບກົບ, ແຂວງເຊີນລາ ສສ ຫວຽດນາມ;
10. ດ່ານແດນດິນ, ເມືອງກັວນ - ດ່ານ ຫ້ວຍເໝີຍ, ເມືອງເກຟອງ, ແຂວງເງ້ອານ, ສສ ຫວຽດນາມ.
ເຖິງຢ່າງໄດກໍ່ຕາມ ຍັງມີພຽງ 4 ດ່ານທີ່ຍັງເປີດເປັນປົກກະຕິ ເພື່ອການອໍານວຍຄວາມສະດວກໃຫ້ແກ່ຜູ້ທີ່ມີຄວາມຈໍາເປັນຕ້ອງໄດ້ເດີນທາງເຂົ້າອອກດ່ານ ເຊິ່ງໄດ້ມອບໝາຍໃຫ້ພະແນກສາທາລະນະສຸກແຂວງ ແຕ່ງຕັ້ງພະນັກງານແພດໄປປະຈໍາການຕິດຕາມກວດກາ ທີ່ຍັງເປີດໃຫ້ບໍລິການ ຄື:
1. ດ່ານສາກົນນໍ້າໂສຍ, ເມືອງວຽງໄຊ - ດ່ານນາແມວ, ເມືອງກວານເຊີນ, ແຂວງແທ໋ງຮວ້າ, ສສ ຫວຽດນາມ;
2. ດ່ານບ້ານດ່ານ, ເມືອງດ່ານ - ດ່ານ ຊຽງເຂືອງ, ເມືອງຊົ່ງມາ, ແຂວງເຊີນລາ, ສສ ຫວຽດນາມ;
3. ດ່ານປ່າຮ່າງ, ເມືອງສົບເບົາ - ດ່ານ ລ້ອງສັບ, ເມືອງມົກເຈົາ, ແຂວງເຊີນລາ, ສສ ຫວຽດນາມ;
4. ດ່ານສົມຫວັງ, ເມືອງສົບເບົາ - ດ່ານ ແຕັນຕັນ, ເມືອງລາດ, ແຂວງແທ໋ງຮວ້າ, ສສ ຫວຽດນາມ.
| # | ຫົວຂໍ້ | ດາວໂຫຼດ |
|---|---|---|
| 1 | ແຂວງຫົວພັນ ແຈ້ງປິດດ່ານຊົ່ວຄາວ ເພື່ອສະກັດກັ້ນໂລກລະບາດ ໂຄວິດ - 19 |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.