ກົມເຕັກໂນໂລຊີຂໍ້ມູນຂ່າວສານ, ກະຊວງ ວິທະຍາສາດ ແລະ ເຕັກໂນໂລຊີ ໄດ້ອອກລະບຽບວ່າດ້ວຍການເກັບຄ່າບໍລິການອອກໃບອະນຸຍາດດໍາເນີນທຸລະກິດ ໃຫ້ບໍລິການກ່ຽວກັບທຸລະກໍາທາງເອເລັກໂຕຣນິກ ເລກທີ 172/ກວຕ.ກຕຂ ວັນທີ 05 ກັນຍາ 2014 ເພື່ອຈຸດປະສົງໃນການກໍານົດຫລັກການ, ລະບຽບການ ແລະ ອັດຕາຄ່າບໍລິການ ເພື່ອທົດລອງນໍາໃຊ້ໃນການອອກໃບອະນຸຍາດດໍາເນີນທຸລະກິດໃຫ້ບໍລິການກ່ຽວກັບທຸລະກໍາທາງເອເລັກໂຕຣນິກ ຢູ່ ສປປ ລາວ. ເຊິ່ງຄ່າບໍລິການອອກໃບອະນຸຍາດດໍາເນີນທຸລະກິດ ມີລາຍລະອຽດດັ່ງລຸ່ມນີ້:
ຄ່າບໍລິການອອກໃບອະນຸຍາດດໍາເນີນທຸລະກິດ
ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ສະເໜີຂໍອະນຸຍາດໃຫ້ບໍລິການກ່ຽວກັບທຸລະກໍາທາງເອເລັກໂຕຣນິກ ຕ້ອງຈ່າຍຄ່າບໍລິການຕາມທີ່ກໍານົດໄວ້ ດັ່ງນີ້:
1. ແບບຟອມຄໍາຮ້ອງ 20,000 ກີບ/ 1 ຄໍາຮ້ອງ
2. ຄ່າທໍານຽມອອກໃບອະນຸຍາດ 300,000 ກີບ/ 1 ໃບອະນຸຍາດ
3. ຄ່າບໍລິການຄົ້ນຄ້ວາບົດປະເມີນດ້ານວິຊາການ 300,000 ກີບ/ 1 ບົດປະເມີນ
ຄ່າບໍລິການອອກໃບອະນຸຍາດຂໍສືບຕໍ່ດໍາເນີນທຸລະກິດ
ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ມີຈຸດປະສົງຂໍອະນຸຍາດສືບຕໍ່ດໍາເນີນທຸລະກິດໃຫ້ບໍລິການກ່ຽວກັບທຸລະກໍາທາງເອເລັກໂຕຣນິກ ຕ້ອງຈ່າຍຄ່າບໍລິການຕາມທີ່ກໍານົດໄວ້ ດັ່ງນີ້:
1. ແບບຟອມຄໍາຮ້ອງ 20,000 ກີບ/ 1 ຄໍາຮ້ອງ
2. ຄ່າທໍານຽມອອກໃບອະນຸຍາດ 300,000 ກີບ/ 1 ໃບອະນຸຍາດ
3. ຄ່າບໍລິການຄົ້ນຄ້ວາເອກະສານ 100,000 ກີບ/ 1 ບົດປະເມີນ
ຄ່າບໍລິການອອກໃບອະນຸຍາດຂໍເພີ່ມປະເພດໃຫ້ບໍລິການກ່ຽວກັບທຸລະກໍາທາງເອເລັກໂຕຣນິກ
ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ມີຈຸດປະສົງຂໍອະນຸຍາດເພີ່ມປະເພດໃຫ້ບໍລິການກ່ຽວກັບທຸລະກໍາທາງເອເລັກໂຕຣນິກ ຕ້ອງຈ່າຍຄ່າບໍລິການຕາມທີ່ກໍານົດໄວ້ ດັ່ງນີ້:
1. ແບບຟອມຄໍາຮ້ອງ 20,000 ກີບ/ 1 ຄໍາຮ້ອງ
2. ຄ່າທໍານຽມອອກໃບອະນຸຍາດ 300,000 ກີບ/ 1 ໃບອະນຸຍາດ
3. ຄ່າບໍລິການຄົ້ນຄ້ວາບົດປະເມີນດ້ານວິຊາການ 300,000 ກີບ/ 1 ບົດປະເມີນ
ເອກະສານປະກອບໃນການຂໍອະນຸຍາດ
1. ແບບຟອມຄໍາຮ້ອງ 1 ສະບັບ
2. ບົດລາຍງານວິຊາການກ່ຽວກັບລະບົບບໍລິການ 1 ສະບັບ
3. ສໍາເນົາໃບທະບຽນວິສາຫະກິດ 1 ສະບັບ
4. ສໍາເນົາທະບຽນອາກອນ (ຖ້າມີ) 1 ສະບັບ
5. ສໍາເນົາບັດປະຈໍາຕົວ/ໜັງສືຜ່ານແດນ 1 ສະບັບ
6. ໃບມອບສິດ (ໃນກໍລະນີເປັນຕົວແທນ) 1 ສະບັບ
7. ຄັດຕິດແຜນທີ່ຂອງສະຖານທີ່ຕັ້ງວິສາຫະກິດ 1 ສະບັບ
8. ຄັດຕິດຊີວະປະຫວັດວິຊາການຫລັກ ແລະ ສໍາເນົາໃບປະກາດສະນີຍະບັດຜູ້ລະ (ຖ້າມີ) 1 ສະບັບ
9. ໜັງສືອະທິບາຍກ່ຽວກັບວິສາຫະກິດແມ່ (ໃນກໍລະນີຕ້ອງການເປີດສາຂາຢູ່ ສປປ ລາວ) 1 ສະບັບ
10. ຮູບຖ່າຍເຈົ້າຂອງວິສາຫະກິດ ຂະໜາດ 3x4 (ບໍ່ເກີນ 6 ເດືອນ) 1 ໃບ
ລາຍລະອຽດກະລຸນາກົດ
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.