ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ
ກະຊວງອຸດສາຫະກຳ ແລະ ການຄ້າ
ຫ້ອງການ ເລກທີ 2140/ທອຄ.ກທຄວ
ນະຄອນຫຼວງວຽງຈັນ, ວັນທີ 03 ຕຸລາ 2019
ແຈ້ງການ
ເຖິງ: ປະຊາຊົນບັນດາເຜົ່າ ຫຼື ຜູ້ລົງທຶນ (ພາຍໃນ ແລະ ຕ່າງປະເທດ) ທີ່ຂຶ້ນທະບຽນສ້າງຕັ້ງວິສາຫະກິດ ຢູ່ ສປປ ລາວ
ເລື່ອງ: ການຄວັດຕາປະທັບວິສາຫະກິດ.
- ອີງຕາມ ກົດໝາຍວ່າດ້ວຍວິສາຫະກິດ, ສະບັບປັບປຸງ - 2013;
- ອີງຕາມ ຄຳສັ່ງ, ສະບັບເລກທີ 02/ນຍ, ລົງວັນທີ 1 ກຸມພາ 2018, ວ່າດ້ວຍການປັບປຸງ ລະບຽບການ ແລະ ກົນໄກການປະສານງານໃນການດຳເນີນທຸລະກິດ ຢູ່ ສປປ ລາວ;
- ອີງຕາມ ແຈ້ງການ, ສະບັບເລກທີ 1659/ຫສນຍ, ລົງວັນທີ 23 ກັນຍາ 2019, ເລື່ອງ: ທິດຊີ້ນຳ ກ່ຽວກັບການຄວັດຕາປະທັບ ຂອງກະຊວງປ້ອງກັນຄວາມສະຫງົບ.
ເພື່ອປະກອບສ່ວນສ້າງບັນຍາກາດການເລີ້ມຕົ້ນທຸລະກິດ ໃຫ້ມີຄວາມສະດວກ ວ່ອງໄວ, ຫ້ອງການ, ກະຊວງອຸດສາຫະກຳ ແລະ ການຄ້າ ແຈ້ງມາຍັງປະຊາຊົນບັນດາເຜົ່າ ຫຼື ຜູ້ລົງທຶນ (ພາຍໃນ ແລະ ຕ່າງປະເທດ) ທີ່ຂຶ້ນທະບຽນສ້າງຕັ້ງວິສາຫະກິດ ຢູ່ ສປປ ລາວ ຊາບ ແລະ ຈັດຕັ້ງປະຕິບັດ ດັ່ງນີ້:
- ວິສາຫະກິດ ສາມາດນຳເອົາໃບທະບຽນວິສາຫະກິດ ໄປຍື່ນຂໍຄວັດຕາປະທັບນຳ ຂະແໜງການປ້ອງກັນຄວາມສະຫງົບ ຕາມທີ່ບົ່ງໄວ້ໃນມາດຕາ 21(ໃໝ່) ຂອງກົດໝາຍວ່າ ດວ້ຍວິສາຫະກິດ - 2013;
- ວິສາຫະກິດ ຈະໄດ້ຮັບຕາປະທັບ ແລະ ໃບອະນຸຍາດນຳໃຊ້ຕາປະທັບພາຍໃນກຳນົດ ຫ້າວັນ ລັດຖະການນັບແຕ່ວັນທີ່ວິສາຫະກິດ ນຳເອົາໃບທະບຽນວິສາຫະກິດ ໄປຍື່ນຂໍຄວັດຕາປະທັບ ເປັນຕົ້ນໄປ;
- ແຈ້ງການ ສະບັບນີ້ປ່ຽນແທນການແຈ້ງການສະບັບເລກທີ1412/ທອຄ.ກທຄວ, ລົງວັນທີ 12 ກໍລະກົດ 2019, ເລື່ອງ : ການຄວັດຕາປະທັບວິສາຫະກິດແບບສະໝັກໃຈ ຫຼື ແບບບໍ່ບັງຄັບ.
ແຈ້ງມາເພື່ອຊາບ ແລະ ຈັດຕັ້ງປະຕິບັດ
ຫົວໜ້າຫ້ອງການ
ນ. ບານສະຕິ ເທບພະວົງ
ບ່ອນນຳສົ່່ງ:
- ຫ້ອງວ່າການສຳນັກງານນາຍົກລັດຖະມົນຕີ;
- ຫ້ອງການ, ກະຊວງປ້ອງກັນຄວາມສະຫງົບ;
- ພາກສວ່ນຕ່າງໆທີ່ກ່ຽວຂ້ອງ.
| # | ຫົວຂໍ້ | ດາວໂຫຼດ |
|---|---|---|
| 1 | Notification of Enterprise Seal, No 2140 / MOIC.DERM, date 03 October 2019. |  PDF |
| 2 | ແຈ້ງການ ກ່ຽວກັບການຄວັດຕາປະທັບວິສາຫະກິດ ເລກທີ 2140/ຫອຄ.ກທຄວ ລົງວັນທີ 03 ຕຸລາ 2019. |  PDF |
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.