ສາທາລະນະລັດ ປະຊາທິປະໄຕ ປະຊາຊົນລາວ
ສັນຕີພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ຫ້ອງວ່າການສຳນັກງານນາຍົກລັດຖະມົນຕີ      ເລກທີ 2106/ຫສນຍ
ນະຄອນຫຼວງວຽງຈັນ, ວັນທີ 13 ທັນວາ 2018 

ແຈ້ງການ

ຮຽນ: - ທ່ານ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ທີ່ນັບຖື.

- ທ່ານ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ.

- ທ່ານ ລັດຖະມົນຕີກະຊວງໂຍທາທິການ ແລະ ຂົນສົ່ງ.

- ທ່ານ ລັດຖະມົນຕີກະຊວງອຸດສາຫະກຳ ແລະ ການຄ້າ.

- ທ່ານ ລັດຖະມົນຕີກະຊວງແຜນການ ແລະ ການລົງທຶນ.

ເລື່ອງ: ທິດຊີ້ນຳກ່ຽວກັບການຍົກເວັ້ນການກວດຄຸນນະພາບວັດສະດຸກໍ່ສ້າງທຸກປະເພດ ທີ່ນຳເຂົ້າມາຮັບໃຊ້ ໂຄງການກໍ່ສ້າງທາງລົດໄຟລາວ-ຈີນ.

 

  • ອີງຕາມມະຕິຕົກລົງຂອງຸຸຄະນະປະຈຳສະພາແຫ່ງຊາດ ສະບັບເລກທີ 082/ຄປຈ, ລົງວັນທີ 1 ທັນວາ 2015.
  • ອີງຕາມສັນຍາສຳປະທານໂຄງການກໍ່ສ້າງທາງລົດໄຟລາວ-ຈີນ ແຕ່ບໍ່ເຕນຫານະຄອນຫຼວງວຽງຈັນ ສປປ ລາວ ລະຫວ່າງລັດຖະບານແຫ່ງ ສປປ ລາວ ກັບບໍລິສັດກໍ່ສ້າງທາງລົດໄຟລາວ-ຈີນ ຈຳກັດ ສະບັບລົງວັນທີ 20 ທັນວາ 2016.
  • ອີງຕາມການລາຍງານຂອງກະຊວງໂຍທາທິການ ແລະ ຂົນສົ່ງ ແລະ ກະຊວງວິທະຍາສາດ ແລະ ເຕັກໂນໂລຊີ ໃນກອງປະຊຸມນາຍົກ-ຮອງນາຍົກລັດຖະມົນຕີ ຄັ້ງວັນທີ 11-12 ທັນວາ 2018.
  • ອີງຕາມທິດຊີ້ນຳ ແລະ ການຕົກລົງຂອງກອງປະຊຸມນາຍົກ-ຮອງນາຍົກລັດຖະມົນຕີ 11-12 ທັນວາ 2018.

   ຫ້ອງວ່າການສຳນັກງານນາຍົກລັດຖະມົນຕີ ຂໍຖືເປັນກຽດມາຍັງທ່ານຊາບດັ່ງນີ້: ຜ່ານມາລັດຖະບານ ໄດ້ຕົກລົງໃຫ້ກະຊວງວິທະຍາສາດ ແລະ ເຕັກໂນໂລຊີ ກວດກາຄຸນນະພາບວັດສະດູກໍ່ສ້າງ ຕາມແຈ້ງການສະບັບເລກທີ 2006/ຫສນຍ, ລົງວັນທີ 15 ທັນວາ 2017 ແລະ ສະບັບເລກທີ 2022/ສນຍ.ກນກ, ລົງວັນທີ 26 ພະຈິກ 2018, ຊຶ່ງຜ່ານມາຈັດຕັ້ງປະຕິບັດແຈ້ງການດັ່ງກ່າວ ຂະແໜງການທີ່ກ່ຽວຂ້ອງໄດ້ລາຍງານຕໍ່ກອງປະຊຸມນາຍົກ-ຮອງນາຍົກລັດຖະມົນຕີເຫັນວ່າ ການ ດຳເນີນການກວດກາຄຸນນະພາບວັດສະດຸກໍ່ສ້າງ ຢູ່ດ່ານຊາຍແດນ ຂອງຂະແໜງວິທະຍາສາດ ແລະ ເຕັກໂນໂລຊີ ໄດ້ມີຜົນກະທົບ ແລະ ສ້າງຄວາມຫຍຸ້ງຍາກ ໃຫ້ພາກທຸລະກິດ, ດັ່ງນັ້ນກ ອງປະຊຸມນາຍົກ-ຮອງນາຍົກລັດຖະມົນຕີ ໄດ້ຊີ້ນຳ ແລະ ຕົກລົງ ໃຫ້ປະຕີບັດດັ່ງນີ້:

1.  ເຫັນດີໃຫ້ຍົກເວັ້ນການກວດກາຄຸນນະພາບວັດສະດຸກໍ່ສ້າງທຸກປະເພດ ທີ່ກຳນົດໃນ ສັນຍາສຳປະທານ ໂຄງການກໍ່ສ້າງທາງລົດໄຟລາວ-ຈີນ ສະບັບລົງວັນທີ 20 ທັນວາ 2016 ທີ່ນຳເຂົ້າຮັບໃຊ້ໂຄງການກໍ່ສ້າງທາງລົດໄຟລາວ-ຈີນ ເພື່ອອຳນວຍຄວາມສະດວກ ໃຫ້ແກ່ການ ນຳເຂົ້າວັດສະດຸກໍ່ສ້າງທຸກປະເພດ ທີ່ນຳເຂົ້າມາຮັບໃຊ້ໂຄງການກໍ່ສ້າງທາງລົດໄຟ ລາວ-ຈີນ ໃຫ້ດຳເນິນໄປຕາມແຜນທີ່ກຳນົດ.

2.  ເຫັນດີໃຫ້ກະຊວງວິທະຍາສາດ ແລະ ເຕັກໂນໂລຊີ ສືບຕໍ່ຈັດຕັ້ງປະຕິບັດການ ກວດຄຸນນະພາບວັດສະດຸກໍ່ສ້າງ ທີ່ນຳເຂົ້າມາຈຳໜ່າຍທົ່ວໄປ, ແຕ່ໃຫ້ກວດຢູ່ປາຍທາງ (ຕົວແທນຈຳໜ່າຍ ແລະ ຮ້ານຄ້າຈຳໜ່າຍທົ່ວໄປ) ແລະ ບໍ່ໃຫ້ເກັບຄ່າທຳນຽມ ແລະ ຄ່າບໍລິການໃນການກວດກາຄຸນນະພາບດັ່ງກ່າວນຳຜູ້ປະກອບການ, ໃຫ້ກະຊວງ ວິທະຍາສາດ ແລະ ເຕັກໂນໂລຊີ ຂຶ້ນແຜນງົບປະມານກວດຄຸນນະພາບ ວຽກງານດັ່ງກ່າວ ຕາມຄວາມສາມາດຂອງງົບປະມານລັດ ທີ່ມີຕົວຈິງ ໃນແຕ່ລະປີ.

ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ປະຕິບັດຕາມເນື້ອໃນເຈ້ງການສະບັບນີ້ດ້ວຍ.

ລັດຖະມົນຕີ,
ຫົວໜ້າຫ້ອງວ່າການສຳນັກງານນາຍົກລັດຖະມົນຕີ

ເພັດ ພົມພິພັກ

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.
ຖ້າທ່ານມີຄໍາແນະນໍາ/ຂໍ້ສະເໜີ ຕໍ່ ຮ່າງ ນິຕິກໍາ ເພື່ອຊ່ວຍອໍານວຍຄວາມສະດວກໃນການດໍາເນີນທຸລະກິດນໍາເຂົົ້າ ເເລະ ສົ່ງອອກ ຂອງ ທ່ານ, ກະລຸນາດໍາເນີນການຕື່ມແບບຟອມນີ້.

ຂົງເຂດການດໍາເນີນທຸລະກິດ
 
ສາມາດໃຫ້ຂໍ້ມູນສະເພາະ ກ່ຽວກັບ ນິຕິກໍາດັ່ງກ່າວ ທີ່ເປັນອຸປະສັກ ຫຼື ສິ່ງທ້າທາຍໃນການດໍາເນີນທຸລະກິດຂອງທ່ານ.

ຕົວຢ່າງ: ມາດຕາ 8 ຂອງ (ຮ່າງ) ຂໍ້ຕົກລົງ ວ່າດ້ວຍການນໍາເຂົ້ານໍ້າມັນເຊື້ອໄຟແລະ ນໍ້າມັນຫຼໍ່ລື່ນ, ເລກທີ.........../ອຄ, ວັນທີ........... ມີນາ 2025. (300 ຄໍາ)

ຜົນກະທົບຂອງນິຕິກໍາດັ່ງກ່າວ ຕໍ່ການທຸລະກິດຂອງທ່ານແມ່ນຫຍັງ?

ຕົວຢ່າງ: ຂ້ອຍໄດ້ໃຊ້ເວລາຢ່າງໜ້ອຍສອງເດືອນໃນຂັ້ນຕອນຜ່ານແຜນການນໍາເຂົ້າປະຈໍາປີ (Master List) ຂອງບັນດາຂະເເໜງການຂອງລັດ ທີ່ເຫັນວ່າມີຫຼາຍພາກສ່ວນ, ຄ່າໃຊ້ຈ່າຍສູງ ຫຼື ໃຊ້ເວລາດົນ ເກີນໄປ. (300 ຄໍາ)

ຂໍ້ສະເໜີ ເພື່ອປັບປຸງນິຕິກໍາດັ່ງກ່າວ ທີ່ສາມາດຊ່ວຍແກ້ໄຂສິ່ງທ້າທາຍຂອງ ທ່ານ?

ຕົວຢ່າງ: ຂໍ້ກໍານົດສໍາລັບໄລຍະເວລາໃນການອະນຸມັດ/ຮັບຮອງເເຜນ Master List ໃຫ້ສັ້ນເຂົ້າ. (300 ຄໍາ)

ຜ່ານມາທ່ານສະເໜີຄໍາເເນະນໍານີ້ ຫາອົງການຂອງລັດຖະບານໃດບໍ່?
ຂໍ້ມູນຕິດຕໍ່
ທ່ານ ຕ້ອງການໃຫ້ພວກເຮົາເປີດເຜີຍຄໍາເຫັນຂອງທ່ານຕໍ່ສາທາລະນະ ຫຼື ບໍ່?