ໃນວັນທີ 25 ເມສາ 2018, ທີ່ກະຊວງແຜນການ ແລະ ການລົງທຶນ, ໄດ້ມີການເປີດພິທີ ຫ້ອງການບໍລິການ ການລົງທຶນປະຕູດຽວ ໂດຍການໃຫ້ກຽດເຂົ້າຮ່ວມໃນການເປີດພິທີຄັ້ງນີ້ ໂດຍ ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ທັງເປັນ ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ຂັ້ນສູນກາງ. ມີບັນດາທ່ານລັດຖະມົນຕີ, ຮອງລັດຖະມົນຕີ, ຄະນະປະສານງານ, ແຂກຈາກພາຍໃນ ແລະ ຕ່າງປະເທດເຂົ້າຮ່ວມຢ່າງພ້ອມພຽງ. ຫ້ອງການບໍລິການ ການລົງທຶນປະຕູດຽວ ໄດ້ມີການກະກຽມຄວາມພ້ອມທາງດ້ານຕ່າງໆເຊັ່ນ:
- ປັບປຸງຄຳຮ້ອງຂໍລົງທຶນ ໃຫ້ມີຄວມສະດວກ ແລະ ກະທັດຮັດ.
- ມີຄູ່ມືແນະນຳແບບເອກະສານປະກອບຕ່າງໆໃນການຢື່ນຄຳຮ້ອງ ເພື່ອໃຫ້ຜູ້ລົງທຶນກະກຽມເອກະສານປະກອບໃຫ້ຄົບຖ້ວນຕາມລະບຽບ.
- ເວລາຜູ້ລົງທຶນຢື່ນຄຳຮ້ອງແລ້ວ ຈະມີໃບຮັບເອກະສານ ແລະ ຈ້ຳຂາເຂົ້າ ແລະ ມອບໃຫ້ຜູ້ລົງທຶນເພື່ອເປັນບ່ອນອ້າງອີງ.
- ມີການນຳໃຊ້ລະບົບໄອທີເຂົ້າມາຊ່ວຍໃນການຕິດຕາມ ແລະ ຄຸ້ມຄອງເອກະສານ ເຊັ່ນ: ລະບົບຕິດຕາມເອກະສານການລົງທຶນ (Tracking System) ແລະ ລະບົບ Database ເປັນລະບົບຄຸ້ມຄອງ, ຕິດຕາມຂໍ້ມູນ ແລະ ສະຖິຕິການລົງທຶນທົ່ວປະເທດ.
- ປັບປຸງເວັບໄຊ໌ ໃນການບໍລິການຂໍ້ມູນຂ່າວສານ, ດາວໂຫຼດຄຳຮ້ອງຂໍລົງທຶນ, ກົດໝາຍ ແລະ ລະບຽບການຕ່າງໆ. ນອກນັ້ນ, ຍັງໄດ້ເປີດຊ່ອງທາງໃຫ້ຄະນະນຳ ສາມາດເຂົ້າເບິ່ງຄວາມຄືບໜ້າຂອງເອກະສານຄຳຮ້ອງຂໍລົງທຶນ ໂດຍຜ່ານທາງເວັບໄຊ໌.
- ມີການບໍລິການສາຍດ່ວນ 1503 ຊຶ່ງຜູ້ລົງທຶນສາມາດໂທເຂົ້າມາຕິດຕໍ່ສອບຖາມໄດ້
ການເປີດຫ້ອງການບໍລິການ ການລົງທຶນປະຕູດຽວ ເປັນປັດໃຈສຳຄັນ ໃນຂະບວນການວຽກງານການລົງທຶນ ເພື່ອຮັບປະກັນໃຫ້ການດຳເນີນທຸລະກິດຢູ່ ສປປ ລາວ ໃຫ້ມີຄວາມສະດວກ, ວ່ອງໄວ, ໂປ່ງໃສ, ຍຸຕິທຳ ແລະ ຖືກຕ້ອງຕາມກົດໝາຍ.
ແຫຼ່ງຂໍ້ມູນຂ່າວ: ກົມສົ່ງເສີມການລົງທຶນ, ກະຊວງແຜນການ ແລະ ການລົງທຶນ
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.