ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງອຸດສາຫະກຳ ແລະ ການຄ້າ
ກົມການນຳເຂົ້າ ແລະ ສົ່ງອອກ                                                       ເລກທີ 1535 /ກຂອ.ບຂອ
                                                                     ນະຄອນຫຼວງວຽງຈັນ, ວັນທີ 10 ພຶດສະພາ 2016

ບົດແນະນຳ

                    ຮຽນ: ທ່ານ ຫົວໜ້າພະແນກອຸດສາຫະກຳ ແລະ ການຄ້າແຂວງ, ນະຄອນຫຼວງວຽງຈັນ.
ເລື່ອງ: ແນະນຳວິທີການນຳໃຊ້ໃບອະນຸຍາດນຳເຂົ້າ, ສົ່ງອອກສິນຄ້າ ສະບັບປັບປຸງໃໝ່.

–  ອີງຕາມ ແຈ້ງການກ່ຽວກັບການນຳໃຊ້ໃບອະນຸຍາດນຳເຂົ້າ ແລະ ໃບອະນຸຍາດສົ່ງອອກ ສະບັບປັບປຸງໃໝ່  ເລກທີ 0472/ອຄ.ກຂອ, ລົງວັນທີ 10/3/2016.

     ເພື່ອຄວາມເປັນເອກະພາບໃນການຈັດຕັ້ງປະຕິບັດ ແລະ ການນຳໃຊ້ໃບອະນຸຍາດນຳເຂົ້າ, ສົ່ງອອກສິນຄ້າ ສະບັບປັບປຸງໃໝ່) ສຳລັບສິນຄ້າທີ່ກະຊວງອຸດສາຫະກຳ ແລະ ການຄ້າ, ພະແນກອຸດສາຫະກຳ ແລະ ການຄ້າແຂວງ, ນະຄອນຫຼວງວຽງຈັນ ເປັນຜູ້ຄຸ້ມຄອງ. ທັງນີ້, ກໍ່ເພື່ອໃຫ້ມີຄວາມສະດວກງ່າຍດາຍ, ຫຼຸດຜ່ອນຂັ້ນຕອນການປະກອບເອກະສານໃຫ້ແທດເໝາະກັບສະພາບຕົວຈິງໃນປະຈຸບັນ ແລະ ຄ່ອຍຫັນໄປສູ່ການນຳໃຊ້ລະບົບການ ອອກອະນຸຍາດແບບທັນສະໄໝ (E-License) ໃນອະນາຄົດເທື່ຶອລະກ້າວ. ກົມການນຳເຂົ້າ ແລະ ສົ່ງອອກ ຈຶ່ງສະເໜີໃຫ້ ພະແນກອຸດສາຫະກໍາ ແລະ ການຄ້າແຂວງ, ນະຄອນຫຼວງວຽງຈັນ ເປັນເຈົ້າການເຜີຍແຜ່ ແລະ ຊຸກຍູ້ໃຫ້ຄຳແນະນຳແກ່ຜູ້ປະກອບການ ຈັດຕັ້ງປະຕິບັດການນໍາໃຊ້ໃບອະນຸຍາດນໍາເຂົ້າ, ສົ່ງອອກສິນຄ້າ ສະບັບປັບປຸງໃໝ່ ດັ່ງນີ້:

1.         ຜູ້ຮ້ອງຂໍ ສາມາດດາວໂຫຼດແບບຟອມໃບອະນຸຍາດໄດ້ທີ່ ເວັບໄຊສູນຂໍ້ມູນຂ່າວສານທາງດ້ານການຄ້າ www.laotradeportal.gov.la (ແນະນຳລະອຽດຂັ້ນຕອນການດາວໂຫຼດຄັດຕິດມາພ້ອມ) ຫຼື ສາມາດຂໍສຳເນົາ (Soft File) ໃບອະນຸຍາດນຳເຂົ້າ, ສົ່ງອອກສິນຄ້າ ຈາກໜ່ວຍງານອອກອະນຸຍາດທີ່ຕົນຮ້ອງຂໍ;

2.         ໃນກໍລະນີ, ຜູ້ປະກອບການທີຍັງບໍ່ທັນສາມາດນຳໃຊ້ລະບົບການຍື່ນຂໍແບບໃໝ່ໄດ້ ຜູ້ປະກອບການສາມາດສືບ ຕໍ່ນຳໃຊ້ລະບົບເກົ່າ ຈົນກວ່າຈະມີຄວາມພ້ອມ (ຊ້າສຸດບໍ່ໃຫ້ກາຍວັນທີ 30 ກັນຍາ 2016). ຫຼັງຈາກນັ້ນ, ແມ່ນໃຫ້ຫັນເຂົ້າສູ່ວິທີການຍື່ນໃບອະນຸຍາດນຳເຂົ້າ, ສົ່ງອອກແບບໃໝ່ແທນ;

3.         - ຜູ້ຮ້ອງຂໍ ຊຳລະເງິນຄ່າທຳນຽມໃບອະນຸຍາດ ທີ່ຫ້ອງການການເງິນຂອງກະຊວງອຸດສາຫະກຳ ແລະ ການຄ້າ ຕາມສິນຄ້າທີ່ຂັ້ນກະຊວງຄຸ້ມຄອງ ແລະ ຫ້ອງການການເງິນຂອງພະແນກອຸດສາຫະກຳ ແລະ ການຄ້າ ສະເພາະສິນຄ້າທີ່ຂັ້ນແຂວງຄຸ້ມຄອງ;

          - ສຳລັບຄ່າທຳນຽມ ແລະ ຄ່າບໍລິການ ໃນການອອກອະນຸຍາດນຳເຂົ້າ, ສົ່ງອອກ ທີ່ຂະແໜງອຸດສາຫະກຳ ແລະ ການຄ້າ ເປັນຜູ້ຄຸ້ມຄອງ ແມ່ນໃຫ້ອີງໃສ່ລັດຖະບັນຍັດປະທານປະເທດວ່າດ້ວຍຄ່າທຳນຽມ ແລະ ຄ່າບໍລິການ ທີ່ຖືກຮັບຮອງ ແລະ ປະກາດນຳໃຊ້ໃນແຕ່ລະໄລຍະ.

4.         ອາຍຸການນຳໃຊ້ໃບອະນຸຍາດ ແລະ ການເກັບມ້ຽນສຳເນົາໃບອະນຸຍາດ.

ດັ່ງນັ້ນ, ຈື່ງແຈ້ງມາຍັງ ທ່ານ ເພື່ອຊາບ ແລະ ຈັດຕັ້ງປະຕິບັດຕາມບົດແນະນຳສະບັບນີ້ດ້ວຍ.

                                                                                      ຫົວໜ້າກົມການນໍາເຂົ້າ ແລະ ສົ່ງອອກ

                                                                                                [ເຊັນ ແລະ ປະທັບຕາ]

                                                                                                ນ ບານສະຕິ ເທບພະວົງ

                                                                                      ຂ້າງເທິງ

#	ຫົວຂໍ້	ດາວໂຫຼດ
1	Instruction on the Use of the Revised Import and Export License Form No. 1535/DIMEX.IEMD, dated 10 May 2016	PDF
2	ບົດແນະນຳ ກ່ຽວກັບ ແນະນຳວິທີການນຳໃຊ້ໃບອະນຸຍາດນຳເຂົ້າ, ສົ່ງອອກສິນຄ້າ ສະບັບປັບປຸງໃໝ່ ສະບັບເລກທີ 1535 /ກຂອ.ບຂອ, ລົງວັນທີ 10 ພຶດສະພາ 2016	PDF

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close