ສາລະບານ

I. ອົງການຮັບຜິດຊອບ
II. ພື້ນຖານບ່ອນອີງທາງດ້ານຫຼັກການ
III. ເງື່ອນໄຂໄດ້ແກ້ໄຂຂໍອະນຸຍາດນໍາເຂົ້າ-ສົ່ງອອກ
IV. ເງື່ອນໄຂເອກະສານຂໍອະນຸຍາດນໍາເຂົ້າ-ສົ່ງອອກ
V. ກໍານົດເວລາຄົ້ນຄ້ວາອອກໃບອະນຸຍາດ

ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງປ້ອງກັນປະເທດ
ກົມໃຫ່ຍພະລາທິການ 
ກົມອຸດສາຫະກໍາປ້ອງກັນຊາດ          ເລກທີ 249 /ກອຊ
ນະຄອນຫຼວງວຽງຈັນ, ວັນທີ 08 ພະຈິກ 2011

                ເຖິງ: ກົມນໍາເຂົ້າ ແລະ ສົ່ງອອກ ກະຊວງອຸດສາຫະກໍາ ແລະ ການຄ້າ

• ອີງຕາມໃບສະເໜີເລກທີ 3804/ກຂອ.ບຂສ ເຖິງກົມອຸດສາຫະກໍາປ້ອງກັນຊາດ ໃນວັນທີ 12/10/2011 ຂອງກົມການນໍາເຂົ້າ ແລະ ສົ່ງອອກ.

ກົມອຸດສາຫະກໍາປ້ອງກັນຊາດ ຂໍແຈ້ງໃຫ້ທ່ານຊາບກ່ຽວກັບຂັ້ນຕອນ ແລະ ບ່ອນອີງອະນຸມັດນໍາເຂົ້າ-ສົ່ງອອກວັດຖຸລະເບີດ ແລະ ວັດຖຸດິບຮັບໃຊ້ການຜະລິດ ລະເບີດອຸດສາຫະກໍາຄືດັ່ງນີ້:

I. ອົງການຮັບຜິດຊອບ: ກົມອຸດສາຫະກໍາປ້ອງກັນຊາດ ກົມໃຫ່ຍພະລາທິການ ກະຊວງປ້ອງກັນປະເທດ. ຂ້າງເທິງ

II. ພື້ນຖານບ່ອນອີງທາງດ້ານຫຼັກການ

1. ຂໍ້ຕົກລົງຂອງນາຍົກລັດຖະມົນຕີແຫ່ງ ສປປ ລາວ ເລກທີ 39/ນຍ, ລົງວັນທີ 12 ກໍລະກົດ 2001 ວ່າດ້ວຍລະບຽບການຄຸ້ມຄອງ ແລະ ນໍາໃຊ້ວັດຖຸລະເບີດອຸດສາຫະກໍາຢູ່ໃນ ສປປ ລາວ.
2. ຂໍ້ຕົກລົງຂອງລັດຖະມົນຕີວ່າການກະຊວງປ້ອງກັນປະເທດ ເລກທີ 2450/ກປທ, ລົງວັນທີ 5/8/2010 ກ່ຽວກັບການຄຸ້ມຄອງວັດຖຸລະເບີດອຸດສາຫະກໍາ ຢູ່ໃນ ສປປ ລາວ.
3. ດໍາລັດຂອງນາຍົກລັດຖະມົນຕີແຫ່ງ ສປປ ລາວ ເລກທີ 180/ນຍ ລົງວັນທີ 07/07/2009 ວ່າດ້ວຍຂັ້ນຕອນອອກໃບອະນຸຍາດນໍາເຂົ້າ-ສົ່ງອອກສິນຄ້າ.
4. ແຈ້ງການຂອງກະຊວງອຸດສາຫະກໍາ ແລະ ການຄ້າກ່ຽວກັບສິນຄ້າຄວບຄຸມ ທີ່ຕ້ອງຂໍອະນຸຍາດນໍາເຂົ້າ ແລະ ສົ່ງອອກແບບອັດຕະມັດ ແລະ ບໍ່ອັດຕະໂນມັດ ສະບັບເລກທີ 0826/ອຄ.ກຂອ, ລົງວັນທີ 03/05/2011.
5. ແຈ້ງການກຽ່ວກັບສິນຄ້າເກືອດຫ້າມນໍາເຂົ້າ-ສົ່ງອອກ ສະບັບເລກທີ 0973/ອຄ.ກຂອ, ລົງວັນທີ 05/05/2011. ຂ້າງເທິງ

III. ເງື່ອນໄຂໄດ້ແກ້ໄຂຂໍອະນຸຍາດນໍາເຂົ້າ-ສົ່ງອອກ
   ຫົວໜ່ວຍທີ່ມີໃບອະນຸຍາດດໍາເນີນກິດຈະການ ແລະ ທຸລະກິດກຽ່ວຂ້ອງເຖິງ ວັດຖຸລະເບີດອຸດສາຫະກໍາ. ຂ້າງເທິງ

IV. ເງື່ອນໄຂເອກະສານຂໍອະນຸຍາດນໍາເຂົ້າ-ສົ່ງອອກ

ກ). ມີໃບສະເໜີຂໍອະນຸຍາດນໍາເຂົ້າ ຫຼື ສົ່ງອອກວັດຖຸລະເບີດອຸດສາຫະກໍາ.

ຂ). ມີໃບສັ່ງຊື້, ໃບແຈ້ງລາຄາສິນຄ້າ ແລະ ໃບຫຸ້ມຫໍ່ສິນຄ້າ.

ຄ). ມີໃບສັນຍາຊື້ຂາຍວັດຖຸລະເບີດອຸດສາຫະກໍາ ວັດຖຸດິບກັບບໍລິສັດຕ່າງປະເທດ.

ງ). ມີໃບອະນຸຍາດນໍາເຂົ້າ ແລະ ສົ່ງອອກ ຈາກອົງການທີ່ມີສິດອະນຸມັດຂອງ ລັດຖະບານປະເທດທີ່ຈະສົ່ງອອກ ຫຼື ນໍາເຂົ້າ ໃຫ້ບໍລິສັດຕ່າງປະເທດ. ຂ້າງເທິງ

V. ກໍານົດເວລາຄົ້ນຄ້ວາອອກໃບອະນຸຍາດ
   ກ່ຽວກັບການສົ່ງເອກະສານຄົບຖ້ວນ ຖຶກຕ້ອງເໝາະສົມກັບເວລາ, ກົມອຸດສາຫະກໍາປ້ອງກັນຊາດຈະໄດ້ກວດເບິ່ງບໍ່ເກີນ 5-6 ວັນລັດຖະການ. ລະອຽດມີຕາຕະລາງເນື້ອໃນບັນດາບາດກ້າວຄື:

1. ຂັ້ນຕອນບາດກ້າວ

ຂ້າງເທິງ

ຫົວໜ້າກົມອຸດສາຫະກໍາປ້ອງກັນຊາດ
ທ່ານ ກິລາກອນ ບຸນນະຜົນ

#	ຫົວຂໍ້	ດາວໂຫຼດ
1	Notification on Procedure and reference in approving an import-export of explosive subject and raw material in producing industrial explosive substance No. 249/NSID	PDF
2	ແຈ້ງການ ກ່ຽວກັບ ຂັ້ນຕອນ ແລະ ບ່ອນອີງ ອະນຸມັດ ນໍາເຂົ້າ-ສົ່ງອອກ ວັດຖຸລະເບີດ ແລະ ວັດຖຸດິບ ຮັບໃຊ້ການຜະລິດ ລະເບີດອຸດສາຫະກໍາ ເລກທີ 249/ກອຊ	PDF

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close